Kenya: 'Gogo' Priscilla, wari 'umunyeshuri w'ishuri ribanza ukuze cyane' ku isi, yapfuye ku myaka 99
Ahavuye isanamu, Getty Images
Umunya-Kenya Priscilla Sitienei, byibazwaga ko yari we munyeshuri wo mu ishuri ribanza ufite imyaka myinshi ku isi, yapfiriye mu rugo iwe ku myaka 99.
"Gogo", bivuze nyokuru mu rurimi rw'abo mu bwoko bwe bw'aba Kalenjin, ni ryo zina benshi bari bamuziho, bamwitaga mu buryo bwo kumugaragariza urukundo.
Umwuzukuru we Sammy Chepsiror yabwiye ikinyamakuru The Standard cyo muri Kenya ati: "Yapfuye mu mahoro ari kumwe na bamwe bo mu muryango... Twese yaduteye ishema".
Inkuru ya Sitienei yahereweho ikorwamo filime yo mu Gifaransa, Gogo, yatumye ahura na Brigitte Macron, umugore wa Perezida w'Ubufaransa.
Mu butumwa bwo kumushima bwo kuri Twitter, Patrick Pessis, umwe mu banditsi babiri b'iyo filime, yavuze ko "ubutumwa bwe [bwa Sitienei] ku burezi bw'abakobwa bugumyeho".
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Sitienei yatangiye kwiga ku ishuri rya Vision Preparatory School yigana n'ubuvivi (inzukuruza mu Kirundi) bwe, nyuma yuko ku myaka 90 afashe icyemezo cyo gusubira mu ishuri ribanza. Hari hashize imyaka ibarirwa muri za mirongo ari umubyaza gakondo.
Akiri umwana ntiyashoboye kujya ku ishuri.
Ariko ubwo mu mwaka wa 2003 leta ya Kenya yatangiraga kurihira amafaranga y'ishuri abiga mu mashuri abanza, byatumye we n'abandi banyeshuri bakuze babona andi mahirwe yo kujya ku ishuri.
Mu mwaka wa 2015, Sitienei yabwiye BBC ko yashakaga kubera urugero abana bakuze batarimo kujya kwiga ngo atume basubira ku ishuri, agira ati: "Barambwira ngo barakuze cyane.
"Nkababwira ngo, 'Ndi ku ishuri kandi namwe mukwiye kuba muri ku ishuri'".
