HCR muri Malawi itewe impungenge no gufunga impunzi ngo bazijyane Dzaleka

Ishami rya ONU ryita ku mpunzi ku isi, HCR, muri Malawi riravuga ko ritewe impungenge cyane n'itabwa muri yombi no gufungwa kw'impunzi zirenga 370 zirimo abana barenga ijana ku itariki ya 17 za kuno kwezi ndetse n'igikorwa cyakurikiyeho cyo kubohereza ku ngufu mu nkambi y'impunzi ya Dzaleka.

Abarebwa n'iki cyemezo ni impunzi zigera ku bihumbi 8 zituye mu mijyi cyangwa ahandi mu duce tw'igihugu tutari muri iyo nkambi.

Leta ya Malawi yari yatanze itariki ntarengwa ya 15 z'ukwezi kwa kane kugira ngo abarebwa n'aya mabwiriza babe bimutse, bitaba ibyo bakajyanwa muri iyo nkambi ku ngufu.

Mu mpunzi ziri muri Malawi harimo abanyarwanda, abarundi n'abanyekongo.

Jacques Niyitegeka yavuganye na Olga Sarrado, umuvugizi wa HCR (umva icyo kiganiro aho hejuru).