Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Perezida Ramaphosa yahanaguweho icyaha ku bujura bwabereye ku isambu ye – urwego rurwanya ruswa
- Umwanditsi, Grant Ferrett
- Igikorwa, Ishami ry'Isi rya BBC
Urwego rurwanya ruswa rwo muri Afurika y'Epfo ruvuga ko nta kimenyetso gihari kigaragaza ko Perezida Cyril Ramaphosa hari ikintu kibi yakoze kijyanye no kuba yaribwe amadolari y'Amerika 580,000 (miliyoni 630Frw) - ashobora no kuba arenga - yari ari mu rugo rwe rwo ku isambu ye bwite.
Muri raporo y'ibanze, Kholeka Gcaleka, ushinzwe kurengera inyungu za rubanda, yanzuye ko Ramaphosa atarenze ku mategeko agenga imyitwarire ibereye cyangwa ngo akoreshe nabi umwanya we nka Perezida.
Iyo raporo irimo ko Perezida yatangaje ibyo kwibwa kwe hashize ibyumweru kubayeho, mu myaka itatu ishize.
Ariko iyi raporo ivuga ko Jenerali Majoro Wally Rhoode, umukuru w'abasirikare bacunga umutekano wa Perezida Ramaphosa, yakoze mu buryo budakwiye ubwo yakoraga iperereza ritemewe kuri icyo cyaha.
Mu mpera y'umwaka ushize, itsinda ryigenga ryashyizweho n'inteko ishingamategeko y'Afurika y'Epfo ryafashe icyemezo ko Ramaphosa hari ibyo agomba kubazwa, bituma habaho abasaba ko yegura ku butegetsi.
