Ubumwe bw'uburayi n'Uburundi mu biganiro
Ahavuye isanamu, AFP
I Buruseli mu Bubiligi hari kubera inama hagati y’Umuryango w’ubumwe bw’Uburayi, leta y'u Burundi n’amashyirahamwe yo muri icyo gihugu adaharanira imyanya ya politike.
Ibyo biganiro byerekeye kureba niba u Burundi bwarakurikije ibisabwa mu masezera ya Cotonou, yerekeye imfashanyo itangwa n’umuryango w’ubumwe bw’Uburayi ku bihugu bikennye byo muri Afurika, Carayibe na Pacifika.
Umunyamakuru wa BBC, Jean Claude Nkubito, uyikurikiranira hafi avuga ko igihe ubutegetsi bw’i Burundi bwananirwa gukurikiza amwe mu mahame y’uburenganzira bwa kiremwamuntu, uburayi bushobora guhagarika imfashanyo igenerwa urwego rw’imiyoborere myiza.
Ahavuye isanamu, Reuters
Uwo muryango uvuga ko ibibera mu Burundi bishobora gutuma imfashanyo kuri icyo gihugu ihagarikwa mu gihe bitatorerwa umuti.
Iyi nama irabera mu muhezo. Itegerejwe kurangira muri iri joro.
