Berlusconi araregwa gusambanya umwana

Abashinjacyaha bo mu Butaliyani basabye ko ministiri w'intebe, Silvio Berlusconi, agezwa imbere y'ubucamanza ku birego birebana n'uko yaba yaragiranye imibonano mpuzabitsina n'umukobwa w'imyaka 17 no gukoresha ububasha afite amufunguza.

Bwana Berlusconi arahakana ibyo birego.

Mu kiganiro yahaye abanyamakuru, Bwana Berlusconi, yavuze ko abashinjacyaha bafite intego yo kumuharabika no guharabika izina ry'ubutaliyani mu mahanga.

Umucamanza wo mu mujyi wa Milan, niwe uzafata icyemezo amaze gusuzuma niba hari ibimenyetso bihagije bihari kugira ngo urubanza rube.

Berlusconi ashobora guhanishwa igifungo cy'imyaka 15 muri gereza.