Nyamwasa na bagenziwe bakatiwe

Lt Gen Kayumba Nyamwasa, Gerard Gahima, Patrick Karegeya na Theogene Rudasingwa bakatiwe gupfungwa hagati y'imyaka 20 na 24

Intebe enye zagenewe abaregwa nta wari uzicayeho. Umwanya wagenewe uregwa imbere y’umucamanza nawo nta wari uwurimo kuko bane bagombaga gucirwa urubanza bose bari mu buhungiro kandi nta n’umunyamategeko ubunganira wigeze agaragara muri uru rubanza.

Asoma rumwe mu manza za gisirikare ziburanishijwe mu gihe gito, umucamanza Brg. Gen Yohani Petero Bagabo yavuze ko abaregwa bane bose bahamwa n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na leta umudendezo no gusebanya.

Kuri Generali Kayumba nyamwasa na Major Theogene rudasingwa hiyongeyeho icyaha cyo gutoroka igisirikare. Urukiko rwategetse ko abo bombi bahanishwa igifungo cy’imyaka 24 bakamburwa n’impeta za gisirikare naho Gerald Gahima na Patrick Karegeya rubakatira imyaka 20 y’igifungo.

Umwe mubahamijwe icyaha Gerard Gahima, amenyeshya ko icyo cyemezo cy'urukiko kitabatangaje kubera inkiko za gisirikare z'Urwanda ziyoborwa na kagame kandi ko batahamijwe ivyaha bakoze, ahubwo bazize ibitekerezo vyabo vya politike.