Grammys 2021: Indimbo y'imyigaragambyo kubwa George Floyd yabaye indirimbo y'umwaka

Inyandiko gusa
H.E.R

Ahavuye isanamu, Getty Images

Insiguro y'isanamu, H.E.R. yanatsindiye igihembo cy'indirimbo nziza ya R&B kubera iyitwa Better Than I Imagine
    • Umwanditsi, Na Mark Savage
    • Igikorwa, BBC music reporter

Indirimbo ishingiye ku myigaragambyo kubera iyicwa rya George Floyd n'inkubiri ya Black Lives Matter yatsindiye igihembo cya Grammys nk'indirimbo y'umwaka.

I Can't Breathe y'umuhanzika H.E.R wa R&B yasohotse mu mpeshyi y'umwaka ushize, isubiramo amagambo ya nyuma ya George Floyd, wapfuye afunzwe na polisi i Minneapolisi.

Mu kwakira icyo gihembo, H.E.R ubundi witwa Gabriella Wilson yavuze ko atigeze atekereza ko "ubwoba n'umubabaro bye bizagira akamaro".

Ati: "Niyo mpamvu nandika umuziki. Kandi ndashimye cyane".

Tambuka YouTube ubutumwa
Uremeye ibiri kuri Google YouTube?

Iyi nkuru irimwo ivyatanzwe na Google YouTube. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha Google YouTube amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya YouTube ubutumwa

Yavuze ko iyi ndirimbo yayikoreye mu cyumba cye iwabo. Ati: "Ndashaka gushimira papa - yararize ubwo namucurangiraga iyi ndirimbo. Niwe muntu wa mbere nayumvishije".

Beyoncé yakoze amateka

Beyoncé yatsindiye Grammy ya 28 - ahita aba umugore wa mbere ufite ibigwi byinshi muri ibi bihembo.

Yageze kuri uwo muhigo kubera indirimbo ye 'Black Parade', ivuga ku gukomera kw'abirabura, indirimbo yasohoye ku munsi witwa Juneteenth umwaka ushize.

Yavuze ko ibihe yanyuzemo bitamworoheye.

Skip Ibisomwa cane and continue reading
Ibisomwa cane

End of Ibisomwa cane

Ati: "Nashakaga kuzamura, gushyigikira, no kwishimira abamikazi bose birabura bakomeje kumbera icyerekezo no kuba icyerekezo ku isi".

Beyoncé na Taylor Swift

Ahavuye isanamu, Getty Images

Insiguro y'isanamu, Taylor Swift na Beyoncé bombi bari bitabiriye ibi birori byabaye abatumiwe bicaye bategeranye

Megan Thee Stallion nawe yakoze amateka yo kuba umuhanzi wa mbere w'umugore watsindiye igihembo cy'indirimbo ya rap nziza kurusha izindi.

Beyoncé ari kumwe na Megan Thee Stallion -uyu yanegukanye igihembo cy'umuhanzi mushya mwiza, bahawe igihembo ku ndirimbo bafatanyije Savage (Remix).

Taylor Swift nawe yakoze amateka muri ibi birori byo ku cyumweru nijoro i Los Angeles, aba umuhanzi wa mbere w'umugore Album ye ibaye iya mbere inshuro eshatu.

2px presentational grey line

Grammy Awards - Ibihembo bikuru

  • Album y'umwaka: Taylor Swift - Folklore
  • Indirimbo y'umwaka n'abayifashe: Billie Eilish - Everything I Wanted
  • Indirimbo y'umwaka: H.E.R. - I Can't Breathe
  • Umuhanzi mushya: Megan Thee Stallion

Ibindi bihembo byatanzwe

2px presentational grey line
Burna Boy

Ahavuye isanamu, Getty Images

Insiguro y'isanamu, Burna Boy

Burna Boy na Wizkid ba Nigeria

Aba bahanzi ba Afrobeats bo muri Nigeria nabo begukanye ibihembo bya Grammys 2021 biri gutangirwa i Los Angeles.

Burna Boy yatsindiye igihembo cya Best Global Music Album naho Wizkid atsindira icya Best Music Video kubera indirimbo ye na Beyoncé; Brown Skin Girl, yo kuri Album Lion King: The Gift.

Album Twice As Tall ya Burna Boy w'imyaka 29, yatsinze izindi enye, iriho indirimbo zaririmbyemo abandi bahanzi bakomeye nka Stormzy, Youssou Ndour, Naughty By Nature, na Chris Martin of Coldplay, kandi yakozwe na Sean Combs.

Kubera icyorezo cya coronavirus, Grammy Awards za 63 ntizaranzwe n'ibitaramo bikomeye n'abantu benshi nk'uko byagendaga mbere.

Nta bantu bo kureba babitumiwemo, kandi abahawe umwanya wo kuririmba baririmbiye kuri stages/scenes eshanu zitandukanye muri Los Angeles Convention Center kugira ngo bategerana.

Megan Thee Stallion

Ahavuye isanamu, Getty Images

Insiguro y'isanamu, Megan Thee Stallion yahembwe nk'umuhanzi mushya urusha abandi