WHO yashyigikiye uko yitwaye mu guhangana na coronavirus

Inyandiko gusa
Uyu mukuru wa OMS yavuze ko ahangayikishijwe n'ibihugu bifite inzego z'ubuvuzi zijegajega

Ahavuye isanamu, Reuters

Insiguro y'isanamu, Uyu mukuru wa OMS yavuze ko ahangayikishijwe n'ibihugu bifite inzego z'ubuvuzi zijegajega

Ishami ry'umuryango w'abibumbye ryita ku buzima (OMS/WHO) rivuga ko "ritataye igihe" mbere yuko ritangira guhangana n'icyorezo cya coronavirus, ni nyuma yo kunengwa uburyo ryitwaye mu ntangiriro.

Dr Tedros Adhanom Ghebreyesus, umukuru wa OMS, yavuze ko yatangaje ko iyi virusi ari ikibazo cyihutirwa kibangamiye ubuzima ku isi ku itariki ya 30 y'ukwa mbere, hari "igihe gihagije kugira ngo isi ihangane nacyo".

Icyo gihe abantu 82 gusa ni bo bari bamaze kwandura coronavirus hanze y'Ubushinwa ndetse nta muntu yaribwice

Kugeza ubu, abantu barenga miliyoni 3,3 bamaze kuyandura ku isi, muri bo abarenga 238,000 imaze kubica naho abarenga 1,000,000 bamaze kuyikira, nkuko imibare ya Kaminuza ya Johns Hopkins yo muri Amerika ibigaragaraza.

Perezida Donald Trump w'Amerika yavuze ko OMS "rwose yazambije" uburyo bwayo bwo guhangana na Covid-19, indwara y'ubuhumekero iterwa n'ubu bwoko bushya bwa coronavirus. Anayishinja kubogamira ku Bushinwa.

Amerika ni cyo gihugu cya mbere ku isi gitera inkunga nyinshi OMS ndetse Bwana Trump yavuze ko azayihagarika.

b
Coronavirus

Mu kiganiro n'abanyamakuru ku munsi w'ejo ku wa gatanu, Dr Tedros yarwanye bikomeye ku buryo OMS yitwaye nyuma yaho Covid-19 yadukiye.

Yashimangiye ko OMS yakoresheje igihe cyayo neza mbere yo gutangaza ko coronavirus ari ikibazo cyihutirwa kibangamiye ubuzima ku isi, harimo no gusura Ubushinwa ngo imenye kurushaho inkomoko y'iyi virusi.

Skip Ibisomwa cane and continue reading
Ibisomwa cane

End of Ibisomwa cane

Dr Tedros yemeje ko iki cyorezo na n'ubu kikiri "ikibazo cyihutirwa giteye impungenge ku buzima ku isi", amezi atatu nyuma yaho gitangarijwe ko kimeze gutyo.

Kugira ngo OMS ijye yatangaza ibyo, biba ari ibintu "bidasanzwe" kandi bisaba ko amahanga asenyera umugozi umwe.

Dr Tedros yavuze ko afite impungene "zikomeye" ku ngaruka iki cyorezo gishobora kugira muri iki gihe kiri kwiyongera mu bihugu bifite inzego z'ubuvuzi zijegajega.

Abakozi ba OMS bavuga ko babonye ukwiyongera guteye impungenge kwa coronavirus mu bihugu byinshi birimo nka Haïti, Somalia na Sudan.

OMS kandi yashishikarije ibihugu biri koroshya ingamba zo kutegerana kwigengesera mu kubikora. Yashimangiye akamaro ko kugenzura ubwiyongere bushya bw'ubwandu mu gihe cyo koroshya gahunda ya "guma mu rugo".