Umurambo w'umukobwa muri Kaminuza y'u Rwanda: Uwari umukunzi we mu bakekwa
Ahavuye isanamu, UR
Urwego rw'ubugenzacyaha mu Rwanda ruvuga ko rwafashe abantu babiri bakekwaho "gucura umugambi no kwica" umukobwa wigaga muri Kaminuza y'u Rwanda wasanzwe yishwe, umurambo we uri muri Kaminuza.
Imanishimwe Sandrine w'imyaka 21 y'amavuko yigaga mu mwaka wa mbere mu ishami ry'ikoranabuhanga mu gashami ka 'biochemistry', nkuko umuvugizi w'iyi Kaminuza yabibwiye BBC.
Uyu muvugizi wa Kaminuza y'u Rwanda yavuze ko ibyo ari ubwa mbere byari bibaye kuva yashingwa mu 2013.
Mu butumwa bwo ku rubuga rwa Twitter, uru rwego ruzwi nka RIB rwagize ruti: "RIB yafashe babiri bakekwaho gucura umugambi no kwica Imanishimwe Sandrine, barimo uwahoze ari umukunzi we..."
RIB yongeyeho ko uwo munyeshuri yishwe ku itariki ya 8 y'uku kwezi cya cyenda, ariko nta yandi makuru arenzeho yatangaje.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Bamwe mu banyeshuri babwiye BBC ko umurambo we wabonywe n'abanyeshuri mu ijoro ryo ku cyumweru muri iyi Kaminuza ishami ryayo riri mu mujyi wa Kigali, afite uruguma runini inyuma ku mutwe.
Mike Karangwa, umuvugizi w'iyi Kaminuza, yavuze ko nubwo umurambo wa Sandrine wasanzwe muri iyi Kaminuza, ntawakwemeza ko ari ho yiciwe.
Umwe mu banyeshuri utivuje ko amazina ye atangazwa, yavuze ko urupfu rw'uyu munyeshuri rwamuteye ubwoba we na bagenzi be biga hano.
Iri shami rya Kaminuza riri hagati mu mujyi wa Kigali mu cyahoze kitwa KIST, hafi y'ahantu hakomeye nka Serena Hotel, hafi kandi y'urugo rw'umukuru w'igihugu, ariko ni na hafi y'agace gatuwe cyane kitwa Biryogo.
