Etiyopiya igiye gukura "visa" ku banyafrika bose

Inyandiko gusa
Mulatu Teshome

Ahavuye isanamu, FANA BROADCASTING CORPORATION

Insiguro y'isanamu, Umukuru w'igihugu ca Etiyopiya Mulatu Teshome

Umugambi w'umuryango w'Ubumwe bwa Afrika wo gutezurira abanyafrika bipfuza gutembera ku mugabane uracari kure nk'ukwezi, ariko igihugu ca Etiyopiya cafashe iya mbere ngo gifashe uje mu ngiro.

Ashikiriza ijambo mu nama y'inteko zijejwe amateka, avuga no ku bijanye n'amategeko leta igiye gushinga, Prezida Mulatu Teshome yamenyesheje ko uruhusha rwo kwinjira mu gihugu "visa" rugiye gukurwaho ku banyafrika bose.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Umuryango w'Ubumwe bwa Afrika wasavye ko ibihugu vyose vya Afrika vyohagarika gusaba "visa" ku banyafrika bose kuva mu 2018.

Gushika ubu, igihugu ca Seychelles nico conyene kidasaba "visa" ku banyafrika - no ku bandi banyagihugu b'ibihugu vyose vyo kw'isi - nkuko biri kuva kera.

Mu cegeranyo gishasha bivugwa ko abanyafrika bashobora gutembera ata "visa" mu bice 22% vy'ibihugu vya Afrika.