Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Scott Morrison ni we ugiye kuba Minisitiri w'intebe mushya wa Australia
Scott Morrison ni we ugiye kuba Minisitiri w'intebe mushya wa Australia nyuma yuko Malcolm Turnbull yegujwe n'abacyeba bo mu ishyaka riri ku butegetsi muri iki gihugu - ibintu bisoje icyumweru cyaranzwe no guhatanira ubutegetsi bikaze.
Bwana Turnbull yocyejwe igitutu kubera ko ikusanyabitekerezo ryagaragaje ko adakunzwe. Yavuze ko yari ahanganye n'"imyigaragambyo" y'abadepite bo mu ishyaka rye badashaka impinduka.
Bwana Morrison y'imyaka 50 y'amavuko, yize icungamari. Yatsinze amatora yabaye imbere mu ishyaka riri ku butegetsi n'amajwi 45 kuri 40 y'uwo bari bahanganye, Peter Dutton wigeze kuba Minisitiri w'ubutegetsi bw'igihugu - wabangamiye kurusha abandi bose Bwana Turnbull.
Bwana Morrison yavuze ko agiye "gusubiranya ishyaka ryabayemo ubushyamirane muri iki cyumweru" no guharanira gushyira hamwe kw'abatuye Australia.
Mu myaka 10 ishize, Bwana Turnbull abaye Minisitiri w'intebe wa kane muri Australia wegujwe n'abo mu ishyaka rye.
Kuri uyu wa gatanu, Bwana Turnbull yagize ati:
"Ryabaye ishema kuri jye kuba narabaye umuyobozi w'iki gihugu gikomeye. Nkunda Australia. Nkunda Abanya-Australia."
