Lula ngo ntakizamubuza kwiyamamariza kuyobora Bresil

Ishyaka ry'abakozi muri Bresil riravuga ko Luiz Inacio Lula da Silva wigeze kuyobora icyo gihugu ariwe rizatanga nk'umukandida mu matora ateganijwe mu kwezi kwa cumi.

Ishyaka ry'abakozi muri Bresil riravuga ko Luiz Inacio Lula da Silva wigeze kuyobora icyo gihugu ariwe rizatanga nk'umukandida mu matora ateganijwe mu kwezi kwa cumi.

Iryo shyaka riravuga ko rizabikora nubwo bwose Bwana Lula yatsinzwe mu rukiko mu rubanza yajuriragamo igihano cyo gufungwa yahawe kubera ibyaha bya ruswa.

Kuwa gatatu, urukiko rw'ubujurire rwemeje igihano cyatanzwe n'urukiko rwo hasi ndetse cyongera n'igihe agomba gufungwa.

Lula we avuga ko abacamanza bananiwe gutanga ibimenyetso bimwemeza ibyaha maze avuga ko akurikiranywe kubera impamvu za politiki.

Yongeye gusubiramo kandi ko nta kizamubuza kwongera kwiyamamariza kuyobora igihugu.

Ariko rero urwego rushinzwe amatora rushobora guhagarika kandidatire ye naramuka yiyandikishije.