Yeruzalemu: Umwanzuro wa LONI wamaganye icyemezo cya Trump kuri Yeruzalemu

Inteko Rusange ya LONI yamaganye ku buryo bukomeye icyemezo cya Amerika iyisaba kwisubiraho ku mwanzuro wo kwemera ko Yeruzalemu ari umurwa wa Isiraheli.

Ibikubiye mu nyandiko y'ibyatowe muri LONI ivuga ko ibyemezo byose bireba umujyi wa Yeruzalemu "nta gaciro bifite" kandi bigomba kuburizwamo.

Uyu mwanzuro watowe n'ibihugu 128, naho 35 birifata ibindi 9 bitora bitora bishyigikira icyemezo cya Amerika.

Bibaye kabone n'ubwo perezida wa Leta Zunze Ubumwe za Amerika, Donald Trump, yari yatanze ibikangisho avuga ko azahagarika inkunga ku bihugu bitora byemeza umwanzuro wa LONI.

Mbere y'itora, minisitiri w'ububanyi n'amahanga wa Palestine yshishishikarije amaleta "guterwa ubwoba n'ibikangisho".

Minisitiri w'intebe wa Isiraheli, Benjamin Netanyahu, we yavuze ko yamagana umwanzuro wa LONI ndetse avuga ko ngo uru rwego ari "inzu y'ibinyoma".

Ibihugu bigize LONI byatoye gute?

  • Ibihugu icyenda byatoye byashyigikira icyemezo cya Amerika birimo Amerika ubwayo, Isiraheli, Gwatemala, Honduras, Ibirwa bya Marshall, Micronesia, Naurum Palau na Togo
  • Muri 35 byifashe harimo Canada na Mexique
  • Ibihugu byatoye byamagana icyemezo cya Merika birimo bine misanzwe bigize akanama k'umutekano muri LONI ku buryo buhoraho (Ubushinwa, Ubufaransa, Uburusiya n'Ubwongereza) ndetse n'ibindi bihugu by'Abayisilamu bifitanye umubano ukomeye na Amerika
  • Hari n'ibihugu 21 bititabiriye itora.