Umutungo wa Yahya Jammeh wafatiriwe

Ministri ushinzwe ubucamanza muri Gambia - Abubacarr Tambadou - yatangaje ko umutungo w'uwahoze ayobora icyo gihugu, Yahya Jammeh, wafatiriwe.

Iki cyemezo cy'urukiko kirareba konti za banki hafi 90, amazu arenze 130 ndetse n'ibigo by'ubucuruzi 14.

Uyu muministri yavuze ko ibi byabaye ngombwa ngo kubera ko bimaze kugaragara ko Bwana Jammeh yabikuje atabiherewe uruhushya amafaranga arenga miliyoni 50 z'amadolari yari ku makonti ya leta.

Yongeyeho ko ibi ashobora kuba ari igitonyanga mu nyanja.

Yahya Jammeh yahunze igihugu nyuma yo gutsindwa amatora none ubu aba mu buhingiro muri Guinee Equatoriale.