Tiwa Savage na Burna Boy ntibazoja muri Afrika y’Epfo kubera ubwicanyi ku banyamahanga

Inyandiko gusa
Tiwa Savage yahagaritse igiteramo yari afite muri Afrika y'Epfo

Ahavuye isanamu, Getty Images

Insiguro y'isanamu, Tiwa Savage yahagaritse igiteramo yari afite muri Afrika y'Epfo

Umuririmvyi rurangiranwa w'umunya Nigeria, Burna Boy, yarahiye ko atazosubira guhonyoza ikirenge muri Afrika y'Epfo, eka na mugenziwe Tiwa Savage ahagarika igiteramo yari afiseyo.

Mu butumwa yacishije mu rubuga rwa Twitter, Burna Boy avuga ko yaheruka muri ico gihugu mu 2017, kandi ko atazosubirayo gushika leta ya Afika y'Epfo yisubiyeko.

Tiwa Sawage nawe avuga ko ibiriko biraba bikomeye kandi ko atawungukira mu kumeneka kw'amaraso. Ati "kwica uwariwe wese w'umunyafrika bimuraba".

Igipolisi c'ico gihugu carahagaritse abantu batari bake bari muri iyo migumuko imaze iminsi mu bisagara vya Johannesburg, Pretoria n'ahandi. Abantu bashika batanu baramaze kwicwa.

Umukuru w'ico gihugu, Cyril Ramaphosa, n'abandi bakuru b'ibihugu vya Afrika bariyamiriza ivyo bitero.

Umukuru w'igihugu ca Nigeria, Muhammadu Buhari, yarungitse intumwa muri Afrika y'Epfo itwaye "ubutumwa bwo kwerekana akababaro ku kuntu abanyagihugu baco bafashwe nabi".

Umuririmvyi akomoka muri Nigeria azwi cane no muri Afrika, Tiwa Savage yanditse kuri Twitter ko yiyamirije yivuye inyuma ubwicanyi ku bantu b'iwe muri Afrika y'Epfo.

Ati: "Kuri iyo mvo, sinshobora kuririmba mw'isabukuru rya DSTV ryimirije i Johannesburg ku wa 21 z'uku kwezi kw'icenda".

Skip Ibisomwa cane and continue reading
Ibisomwa cane

End of Ibisomwa cane

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Tiwa azwi cane mu ndirimbo nka "Eminado" na "All Over" amenyesha ko "kwica uwariwe wese w'umunyafrika bimuraba atarindiriye kuba umunyanigeria gusa".

Mugenzi wiwe Burna Boy nawe akomoka muri Nigeria avuga ko ubwicanyi bushingiye ku rwanko ku banyamahanga buteye kubiri n'ivyo yarwaniye.

Avuga ko Afrika yashigikiye abanya Afrika y'Epfo igihe bariko barwanya intwaro karyanishamiryango y'abazungu ya Apartheid kuva mu myaka ya 1960 gushika mu 1994 irangira.

Burna Boy ni umwe mu baririmvyi bakomeye muri Nigeria

Ahavuye isanamu, Getty Images

Insiguro y'isanamu, Burna Boy ni umwe mu baririmvyi bakomeye muri Nigeria

Burna Boy yanditse ati: "Ndatahura ko abanya Afrika y'Epfo bataye umutwe kubera imyaka bamaze bacurwa bufuni na buhoro, ku buryo basigaye bafata nk'abansi abantu babafashije mu gihe bariko bacurwa bufuni na buhoro, ahubwo bagashimagiza ababahohoteye".

Yongeyeko y'uko hari abanya Afrika y'Epfo "bameze neza, bafise ivyiyumviro birashe, n'aho atari benshi".

Ishavu ryavuye kuri iyo migumuko ryatumye ishami rimwe ry'ikigo c'ubudandaji ca Afrika Afrika y'Epfo, Shoprite, giterwa kikanyagwa urukombamazi muri gisagara ca Lagos.