West Brom yn penodi'r Cymro Eric Ramsay yn brif hyfforddwr

Mae West Bromwich Albion wedi penodi'r Cymro Eric Ramsay yn brif hyfforddwr newydd.

Mae Ramsay, 34, wedi arwyddo cytundeb dwy flynedd a hanner gyda'r Baggies - wedi iddyn nhw ddiswyddo Ryan Mason ddydd Mawrth.

Wedi gyrfa fer fel chwaraewr fe ddechreuodd Ramsey ei yrfa hyfforddi gydag Abertawe cyn treulio cyfnodau gydag Amwythig, Manchester United a Chelsea.

Yn wreiddiol o Lanfyllin, Sir Drefaldwyn cafodd ei benodi yn is-reolwr ar Gymru yn ystod cyfnod Rob Page wrth y llyw, ond fe adawodd y rôl honno ym mis Medi 2023.

Yn fwyaf diweddar mae Ramsay wedi bod yn rheoli Minnesota United yn yr Unol Daleithiau - ei swydd gyntaf fel rheolwr.

Bydd ei gêm gyntaf fel rheolwr West Brom - sy'n 18fed yn y Bencampwriaeth - yn erbyn Middlesbrough nos Wener.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.