သီရိလင်္ကာ ရွေးကောက်ပွဲမှာ လက်ရှိ သမ္မတ ရှုံးနိမ့်

သီရိလင်္ကာ နိုင်ငံမှာ ၁၀ နှစ်ကြာ အာဏာ ရယူ ထားခဲ့တဲ့ လက်ရှိ သမ္မတ Mahinda Rajapaksa ဟာ သမ္မတ ရွေးကောက်ပွဲ တရားဝင် ရလဒ်တွေ အရ မမျှော်လင့်ဘဲ ရှုံးနိမ့် သွားခဲ့ပါတယ်။

ရွေးကောက်ပွဲ နိုင်ခဲ့တဲ့ Maithripala Sirisena က သမ္မတသစ် အဖြစ် ကျမ်းသစ္စာ ကျိန်ဆို ခဲ့ပါတယ်။

သမ္မတ မဟင်ဒါ ရာဂျာ ပက်က်ဆာဟာ တတိယ သက်တမ်း အတွက် သူ အနိုင်ရမယ် ဆိုတဲ့ မျှော်လင့်ချက်နဲ့ ရွေးကောက်ပွဲကို ၂ နှစ်စောပြီး ကျင်းပခဲ့တာ ဖြစ်ပါတယ်။

ကျန်းမာရေး ဝန်ကြီးဟောင်း ဖြစ်သူ မစ္စတာ Sirisena အနိုင်ရတဲ့ အတွက် သီရိလင်္ကာ အရှေ့ပိုင်းမှာ ကားဟွန်းတွေတီး မီးပန်းတွေ ဖောက်ပြီး အောင်ပွဲခံ ခဲ့ကြပါတယ်။