Òigridh a tha a' briseadh an lagha
Nuair thèid binn prìosain a chur air fireannach òg ann an Alba eadar 16 agus 21 no ma thèid a chumail an grèim leis a' chùirt ron chùis-lagha, mar as trice, thèid an cumail anns an aon Institiùd Eucoraich Òga ann an Alba ann am Polmont, faisg air an Eaglais Bhric.
'S e HMYOI Polmont an t-ionad-cumail nàiseanta ann an Alba do dhaoine eadar 16 is 21. Ann an 2023, chùm e 712 prìosanaich air a' char bu mhotha (Stòr: Polmont Prison). Bha sin ga dhèanamh air fear dhe na h-institiùdan eucoraich òga (YOI) a bu mhotha anns an RA. Bidh a' bhinn a thèid air prìosanaich ann an HMYOI Polmont eadar sia mìosan agus fad-beatha (mus tèid an gluasad a phrìosan do dh'inbhich). Tha a' bhinn chuibheasach eadar dà bhliadhna agus ceithir.
Nuair a thèid binn prìosain air boireannach òg no inbheach boireann ann an Alba, no ma thèid an cumail an grèim leis a' chùirt, faodaidh gun tèid a cumail ann an goireas air leth do bhoireannaich anns an aon ionad do bhoireannaich ann an Alba, HMP & YOI Stirling.
A bharrachd air a sin, chaidh dà ionad Glacas Coimhearsnachd fhosgladh ann an 2022 ann an Dùn Dè agus ann an Glaschu.
