A bharrachd air Poileas na h-Alba, tha grunn fheachdan poileis eile ann an Alba. Nam measg sin tha:

• Poileas Ministreachd an Dìon (Ministry of Defence no MOD). Bidh poileas am MOD a' toirt seirbheis tèarainteachd taobh a-staigh ionadan le Ministreachd an Dìon air feadh na RA, (me ionad nam bàtaichean-aigeil niuclasach ann am Faslane).
• Poileas Còmhdhail Bhreatainn (British Transport Police no BTP). Tha am BTP ag obair air feadh lìonra nan trèanaichean san RA, a' gabhail a-steach Rèile Fo-thalamh Ghlaschu.
• Feachd-poileis Catharra Niuclasach (Civil Nuclear Constabulary no CNC). Tha an CNC a' dìon stuthan niuclasach ann an ionadan ceadaichte niuclasach san RA agus nuair a tha iad air an gluasad.
• Buidheann Nàiseanta na h-Eucoir (The National Crime Agency no NCA). Bidh an NCA a' dèiligeadh ri eucoir eagraichte air feadh na RA. 'S dòcha gum bi seo a' gabhail a-steach drogaichean Clas A, goid agus trafaigeadh dhaoine, foill, eucoir choimpiutairean agus nighe airgid.
• Feachd Crìoch na RA (Border Force). 'S e Feachd Crìoch na RA am buidheann a bhios a' cur lagh an gnìomh às leth Oifis na Dùthcha. 'S e an obair aca crìochan na RA a chumail tèarainte le bhith a' cumail smachd air na daoine agus air a' charago a tha a-mach 's a-steach à puirt agus à puirt-adhair na rìoghachd. Bidh iad a' dèanamh seo tro sgrùdadh in-imrich, a' sgrùdadh bhagannan is charbadan agus a' cumail sùil air na cladaichean.