Effeithiolrwydd personolArchwiliad sgiliau

Mae archwiliad sgiliau yn cael ei ddefnyddio er mwyn:

• asesu arbenigedd rhywun mewn sgiliau amrywiol
• canfod pa sgiliau mae angen eu datblygu

Teipia ‘archwiliad sgiliau’ neu ‘skills audit’ mewn peiriant chwilio i weld enghreifftiau lu o gwestiynau sy’n cael eu defnyddio i asesu arbenigedd mewn sgiliau amrywiol.

Mae archwiliadau sgiliau yn asesu arbenigedd mewn ffyrdd amrywiol. Er enghraifft, mae rhai archwiliadau sgiliau yn defnyddio system goleuadau traffig, sef dull o roi statws coch, gwyrdd neu oren i nodwedd neu ddatganiad.

Bydd archwiliadau eraill yn defnyddio system sy’n seiliedig ar rifau, ee

1. anghytuno’n llwyr
2. anghytuno
3. cytuno
4. cytuno’n gryf

Y broses archwilio sgiliau

Mae pob archwiliad sgiliau i fod yn broses yn hytrach nag un digwyddiad.

Cam un

Defnyddio archwiliad sgiliau fel man cychwyn ar gyfer cynllunio gweithgaredd datblygu sgiliau yn y dyfodol.

Cam dau

Deall cryfderau a gwendidau presennol er mwyn cynllunio datblygiad mewn meysydd penodol.

Cam tri

Ar ôl cwblhau gweithgareddau i ddatblygu meysydd penodol, bydd angen myfyrio ac ystyried pa mor llwyddiannus oedd y gweithgareddau.

Cam pedwar

Yn dilyn hyn, mae’n bosibl bydd archwiliad sgiliau arall yn cael ei wneud er mwyn mesur cynnydd. Wedyn, bydd y broses yn dechrau eto.