Cùis Eaconamach 2 – Reatan neo-ionannachd teachd-a-steach is bochdainn
Tha neo-ionannachdan mòra anns na SA a thaobh teachd-a-steach agus bochdainn. Tha bochdainn a' toirt buaidh air ceudad nas motha de dh'Ameireaganaich dhubha is Iospàinnteach na air Ameireaganaich gheala agus Àisianach.
Tha Ameireaganaich gheala agus Àisianach nas buailtiche a bhith beairteach agus le reatan bochdainn nas lugha na Ameireaganaich dhubha is Iospàinnteach.
B' e $81,060 an teachd-a-steach cuibheasach ann an dachaigh Ameireaganaich gheala ann an 2022 an coimeas ri $62,800 airson Ameireaganaich Iospàinnteach agus $52,860 do dh'Ameireaganaich dhubha. B' e teachd-a-steach cuibheasach dachaigh Ameireaganaich Àisianach a b' àirde ann an 2022 aig $108,700.
Ìrean teachd-a-steach cuibheasach ($) a rèir buidheann cinnidh, 2022
| Buidheann cinnidh | Teachd-a-steach cuibheasach dachaigh ($) |
| Geal | $81,060 |
| Iospàinnteach | $62,800 |
| Dubh | $52,860 |
| Àisianach | $108,700 |
| Buidheann cinnidh | Geal |
|---|---|
| Teachd-a-steach cuibheasach dachaigh ($) | $81,060 |
| Buidheann cinnidh | Iospàinnteach |
|---|---|
| Teachd-a-steach cuibheasach dachaigh ($) | $62,800 |
| Buidheann cinnidh | Dubh |
|---|---|
| Teachd-a-steach cuibheasach dachaigh ($) | $52,860 |
| Buidheann cinnidh | Àisianach |
|---|---|
| Teachd-a-steach cuibheasach dachaigh ($) | $108,700 |
Air an làimh eile, tha reatan bochdainn nas àirde gu cuibheasach aig Ameireaganaich dhubha agus Iospàinnteach an coimeas ri Ameireaganaich gheala agus Àisianach.
Reatan bochdainn (%) a rèir buidheann cinnidh, 2022
| Buidheann cinnidh | Reat bochdainn (%) |
| Geal | 8.6 |
| Iospàinnteach | 16.9 |
| Dubh | 17.1 |
| Àisianach | 8.6 |
| Buidheann cinnidh | Geal |
|---|---|
| Reat bochdainn (%) | 8.6 |
| Buidheann cinnidh | Iospàinnteach |
|---|---|
| Reat bochdainn (%) | 16.9 |
| Buidheann cinnidh | Dubh |
|---|---|
| Reat bochdainn (%) | 17.1 |
| Buidheann cinnidh | Àisianach |
|---|---|
| Reat bochdainn (%) | 8.6 |
A' mìneachadh neo-ionannachdan teachd-a-steach eadar diofar bhuidhnean cinnidh
Tha teachd-a-steach co-cheangailte gu dlùth ri ìrean foghlaim. Ann an 2022, b' e $2,083 an teachd-a-steach cuibheasach san t-seachdain a bha aig cuideigin os cionn 25 bliadhna leis an teisteanas foghlaim a b' àirde, ceum ollamhail. Tha diofar mòr eadar seo agus an teachd-a-steach cuibheasach san t-seachdain a bha aig cuideigin os cionn 25 bliadhna leis an teisteanas foghlaim a b' ìsle, nas ìsle na dioplòma àrd-sgoile, aig $682. Bhon a tha Ameireaganaich gheala agus Àisianach mar as trice a' coileanadh theisteanasan foghlaim nas fheàrr na Ameireaganaich dhubha agus Iospàinnteach, tha seo gu ìre a' mìneachadh an diofair ann an teachd-a-steach eadar na buidhnean cinnidh. (Stòr: US Bureau of Labor Statistics)
Agus tha cion foghlaim co-cheangailte ri reatan bochdainn nas motha. Bhon a tha teisteanasan foghlaim nas ìsle buailteach a bhith aig Ameireaganaich dhubha agus Iospàinnteach na aig Ameireaganaich gheala agus Àisianach, tha reatan bochdainn nam buidhnean sin nas àirde.
Ciamar a tha riaghaltas nan SA a' dèiligeadh ri bochdainn agus teachd-a-steach ìosal?
Tha riaghaltas nan SA airson taic a chumail ri daoine air teachd-a-steach ìosal ann an iomadh dòigh. Bidh mu 19% de chosgais riaghaltas feadaralach nan SA ($1.215 trillean) ga chosg air prògraman shochairean.
Cobhair Shealach do Theaghlaichean ann an Èis (Temporary Assistance for Needy Families no TANF)
'S e sochair a tha seo a bhios a' cuideachadh theaghlaichean nuair nach urrainn na pàrantan no an luchd-cùraim feumalachdan bunaiteach an teaghlaich a thoirt dhaibh. Bidh an riaghaltas feadaraileach a' toirt airgead do stàitean fa leth airson seo, agus faodaidh iadsan an uair sin co-dhùnadh a dhèanamh air an uiread a thèid a phàigheadh. Chosg TANF $15 billean do luchd-pàighidh nan cìsean anns na SA ann an 2022.
Tha stàitean air an t-airgead a chleachdadh airson airgead a bharrachd a thoirt do theaghlaichean, airson cùram-chloinne, foghlam, trèanadh airson obair agus còmhdhail do phàrantan a' dol gu agallamhan airson obair is às.
Prògram Cuideachaidh Mathachadh A bharrachd (Supplemental Nutrition Assistance Program no SNAP)
Seo sochair eile do theaghlaichean ann an èis. Tha teaghlaichean ga fhaighinn airson biadh fallain a cheannach. Tha iad ga fhaighinn ann an cruth cairt le airgead oirre agus faodaidh teaghlaichean a chleachdadh ann am bùithean a tha anns an sgeama.
Gabhaidh a' mhòr-chuid de bhiadh a cheannach le SNAP, ach a-mhàin biadh a tha teth nuair a cheannaicheas tu e. Cha mhotha a dh'fhaodar deoch-làidir, toitean, cungaidhean-leigheis no gnòthaichean slàintealachd a cheannach.
Ann an 2022, chosg SNAP $148 billean do luchd-pàighidh nan cìsean anns na SA.
Creideas Cìse Teachd-a-steach air a Cosnadh (Earned Income Tax Credit no EITC)
'S e sochair bhon riaghaltas fheadaralach do dhaoine a tha ag obair agus le teachd-a-steach ìosal a th' ann an EITC. Tha e coltach ri creideasan cìse anns an RA. Bidh EITC a' beagachadh na tha do chìsean ri phàigheadh agus 's dòcha cuideachd gun toir e beagan air ais. Còmhla ri creideasan cìse eile do chlann, 's e sochair eile a th' ann gus taic a thoirt do theaghlaichean a tha a' cur feum air taic, tha creideasan cìse a' cosg mu $196 billean do luchd-pàighidh nan cìsean ann an 2022.
