Cùis Shòisealta 3 – Neo-ionannachd taigheadais anns na SA
Tha diofar mòr ann an càileachd taigheadais air feadh nan SA.
Sgìrean truagh anns a' bhaile-a-staigh
Tha beag-chuid cuimseach mòr de dh'Ameireaganaich a' fuireach ann an sgìrean truagh anns na bailtean-a-staigh. Bhon nach eil Ameireaganaich dhubh no Iospàinnteach sa chumantas cho math dheth ri Ameireaganaich gheala agus Àisianach, tha fada a bharrachd dhaoine dubha agus Iospàinnteach a' fuireach a sin.
Tha iad air an comharrachadh le:
- taigheadas truagh
- nas lugha de shealbh air dachaighean
- cion-cosnaidh
- bochdainn
- teaghlaichean mì-dhòigheil
- eucoir
- drogaichean
Iomall-bhailtean Ameireaga
Tha daoine nas beairtiche, a tha nas buailtiche a bhith geal no nan Ameireaganaich Àisianach le foghlam agus teachd-a-steach nas fheàrr nas dòcha a bhith a' fuireach air iomall nam mòr-bhailtean.
Mar chomharran orra sin tha:
- nas lugha de bhochdainn
- barrachd de shealbh air dachaighean
- nas lugha de dh'eucoir
- sgoiltean le barrachd maoineachaidh
- sràidean glana
Ciamar a tha sealbh air dachaighean air a bhriseadh sìos a rèir buidheann cinnidheach?
Sealbh air dachaigh (%) a rèir buidheann cinnidheach (2021
| Buidheann cinnidh | Ceudad (%) le sealbh air an dachaigh |
| Geal | 72.7 |
| Iospàinnteach | 50.6 |
| Dubh | 44.0 |
| Àisianach | 62.8 |
| Buidheann cinnidh | Geal |
|---|---|
| Ceudad (%) le sealbh air an dachaigh | 72.7 |
| Buidheann cinnidh | Iospàinnteach |
|---|---|
| Ceudad (%) le sealbh air an dachaigh | 50.6 |
| Buidheann cinnidh | Dubh |
|---|---|
| Ceudad (%) le sealbh air an dachaigh | 44.0 |
| Buidheann cinnidh | Àisianach |
|---|---|
| Ceudad (%) le sealbh air an dachaigh | 62.8 |
Ciamar a tha Riaghaltas nan SA a' dèiligeadh ri neo-ionannachd taigheadais?
Thug Roinn Leasachaidh an Taigheadais is nam Bailtean (Department of Housing and Urban Development no HUD) a-steach iomadh iomairt airson feuchainn ri dèiligeadh ri neo-ionannachdan taigheadais.
Mar eisimpleir:
- prògraman cuideachadh màil
- a' toirt taigheadas agus seirbheisean gu dìreach dha na milleanan theaghlaichean air feadh nan SA
Chaidh maoineachadh a thoirt seachad cuideachd airson:
- daoine ciorramach le tuarastal ìosal a chuideachadh le bhith a' pàigheadh a' mhàil
- seann shaighdearan gun dachaigh a chuideachadh
An Ceann-suidhe Biden agus dèiligeadh ri duilgheadas taigheadais nan SA
Ann an 2022, dh'fhoillsich an Ceann-suidhe Biden Plana Iomairt Solar Taigheadais. Bha am plana ag amas air barrachd taigheadas sàr-chàileachd a bhith ri fhaotainn, cho math ri cosgaisean taigheadais a bheagachadh agus cothrom a thoirt do bharrachd Ameireaganaich a bhith air chomas an dachaighean fhèin a cheannach.
