Cùis Eaconamach 1 – Cion-obrach anns na SA
Anns an Dùbhlachd 2023, bha an reat nàiseanta airson cion-cosnaidh anns na SA aig 3.7%. Tha seo faisg air a bhith cho ìosal 's a bha e riamh agus gu math nas ìsle na nuair a thug mòr-ghalar Covid droch bhuaidh air eaconamaidh nan SA agus air obraichean. (Stòr: US Bureau of Labor Statistics)
Tha diofar mòr ann an reataichean cion-cosnaidh eadar diofar bhuidhnean eitnigeach:
Reatan cion-cosnaidh (%) a rèir buidheann cinnidheach, Dùbhlachd 2023 (le mion-atharrachadh nan ràithean)
| Buidheann cinnidh | Reat cion-cosnaidh (%) |
| Geal | 3.5 |
| Iospàinnteach | 5.0 |
| Dubh | 5.2 |
| Àisianach | 3.1 |
| Buidheann cinnidh | Geal |
|---|---|
| Reat cion-cosnaidh (%) | 3.5 |
| Buidheann cinnidh | Iospàinnteach |
|---|---|
| Reat cion-cosnaidh (%) | 5.0 |
| Buidheann cinnidh | Dubh |
|---|---|
| Reat cion-cosnaidh (%) | 5.2 |
| Buidheann cinnidh | Àisianach |
|---|---|
| Reat cion-cosnaidh (%) | 3.1 |
A' mìneachadh an diofar ann an reatan cion-cosnaidh eadar diofar bhuidhnean cinnidheach
Tha iomadh adhbhar toinnte ann a tha a' mìneachadh carson a tha Ameireaganaich dhubh agus Iospàinnteach nas buailtiche a bhith gun obair. Nam measg sin tha:
- Tha ìrean foghlaim nas ìsle buailteach a bhith aig daoine bho sgìrean nas bochda. Tha seo nas dòcha buaidh a thoirt air daoine bho theaghlaichean dubha no Iospàinnteach a tha gu staitistigeach nas buailtiche fuireach ann an sgìrean nas bochda agus gun uiread de theisteanasan a bhith aca.
- Leth-bhreith – Tha sgrùdaidhean a' sealltainn gu bheil tagraichean airson obraichean leis na h-aon tagraidhean agus le ainmean a shaoileas iad a tha geal nas dòcha fios fhaighinn air ais na feadhainn le ainm a shaoileas iad a tha dubh no Iospàinnteach.
- Tha ceudad nas motha de dhaoine bho mhion bhuidhnean le nas lugha de chothrom air còmhdhail agus dachaigh air prìs reusanta agus cha tèid aca air obraichean a ghabhail nuair a nochdas iad.
Ciamar a dh'fheuch an Ceann-suidhe Biden ri dèiligeadh ri cion-cosnaidh?
Nuair a bhuail mòr-ghalar Covid na SA ann an 2020, chaill na milleanan Ameireaganaich an obair agus chaidh cion-cosnaidh suas gu mòr gu dìreach os cionn 14%. (Stòr: BBC News).
Nuair a ghabh e an dreuchd anns an Fhaoilleach 2021, b' e fear dhe na prìomhachasan aig a' Cheann-suidhe Biden na h-Ameireaganaich a chaill an obair mar thoradh air a' mhòr-ghalar fhaighinn air ais a dh'obair. Bha plana na rianachd aige, Plana Obraichean Ameireaga (American Jobs Plan no AJP) airson barrachd obraichean a chruthachadh tro phrògram tasgaidh 10-bliadhna $2 thrillean dolair airson rathaidean, rèile agus drochaidean a thogail, puirt agus puirt-adhair a leudachadh agus comasachd eadar-lìon mòr-astair a leudachadh. Anns a' Mhàrt 2022, le taing ann am pàirt dhan AJP, bha reat cion-cosnaidh anns na SA air ìsleachadh còrr is leth. (Stòr: An Taigh Geal)
