Dè na cùisean sòisealta agus eaconamach a tha anns na SA?
Tha iomadh ceist shòisealta agus eaconamach ro Riaghaltas nan SA.
Neo-ionannachd ann an Ameireaga
'S e Ann an dùthaich chalpachail 's ann aig daoine fa leth a tha smachd air a' mhòr-chuid de ghnothachasan 's chan ann aig an riaghaltas. Ann an dùthchannan calpachail, faodaidh daoine aig a bheil gnothachas prothaid a dhèanamh agus fàs beairteach. a tha anns na Stàitean Aonaichte agus tha daoine beairteach agus daoine bochd a' fuireach an sin. Tha mòran Ameireaganaich a' creidsinn anns a' Bhruadar Ameireaganach – beachd gum bu chòir cothrom a bhith aig saoranach sam bith beatha shoirbheachail a bhith aca, ge bith dè an suidheachadh aca. Tha an cothrom air fàs beairteach air fhaicinn gu mòr mar phàirt dhen Bhruadar Ameireaganach
, agus tha na mìltean dhaoine ann a dh'fhàs glè bheairteach tro ghnothachas, na meadhanan agus spòrs.
An coimeas ri dùthchannan leasaichte eile, 's e comann-sòisealta gu math neo-ionann a th' anns na SA. A rèir dàta a' Bhuidhinn airson Co-obrachadh Eaconamach agus Leasachadh (Organisation for Economic Co-operation and Development), bha an co-èifeachdair Gini (a bhios a' tomhas an ìre neo-ionannachd teachd-a-steach no neo-ionannachd
taobh a-staigh dùthcha) airson na SA aig 0.375 ann an 2021. An coimeas ri iomadh dùthaich leasaichte eile a bha coltach rithe, mar an RA (0.3555), an Fhraing (0.292) agus Canada (0.28), bha seo na b' àirde.
Ciamar a thomhaiseas sinn neo-ionannachd shòisealta agus eaconamach?
Gabhaidh neo-ionannachd eaconamach a thomhas a thaobh teachd-a-steach, ìrean bochdainn agus ìrean obrach/cion-cosnaidh.
Gabhaidh neo-ionannachd shòisealta a thomhas a thaobh eucoir, taigheadas (sealbh, luach), slàinte (dùil-aoise, reatan bàis is msaa) agus coileanadh foghlaim.
'S e aon dòigh air coimhead air neo-ionannachd anns na SA coimeas a dhèanamh eadar diofar bhuidhnean cinnidh. Mar eisimpleir, geal, Iospàinnteach, dubh agus Àisianach.
