Dim gan Dafydd ChiltonCrynodeb o'r stori - rhan dau

Pennod saith

• Mae Gwyn yn cofio hanes brwydr Maes Crogen yn 1165 ac yn ddiweddarach yn canfod bod iechyd Richard Lloyd yn dirywio.

Pennod wyth

• Mae Owain yn cael ei recriwtio i gymryd rhan yn yr ymgyrch llosgi tai haf.
• Mae e’n deall, o’r diwedd, y twll mae e ynddo, ac yn penderfynu’n ddistaw bach gwneud iawn am fod mor ffôl â’i fywyd.

Pennod naw

• Noson y gwasanaeth diolchgarwch. Cyn mynd, mae Richard Lloyd yn nodi fel mae’r gwasanaeth yn cadarnhau cyswllt pobl â byd natur.
• Yn y gwasanaeth ei hun mae Gwyn yn gweld Rhian Fedw ac yn syrthio mewn cariad â hi.
• Ar y ffordd adref mae Richard Lloyd yn rhagweld ei farwolaeth ei hun.

Pennod deg

• Mae Richard Lloyd wedi marw ac mae Owain yn dod adref i Flaencwm am y tro cyntaf ers talwm.
• Mae’n amlwg fod Gwyn ac Owain erbyn hyn yn byw mewn dau fyd hollol wahanol.
• Yn ystod eu sgwrs mae Owain yn cyfeirio at ei ‘waith’ yn llosgi tai.

Pennod 11

• Mae Owain yn ne Georgia, ynys yn ne’r Iwerydd ar gyrch oedd yn rhan o ymgyrch Prydain yn y Malvinas/Falkland.
• Mae holl rym byd natur yn cael ei amlygu ac mae awgrym fod y cyrch wedi ei drefnu yn y fath le a thywydd er mwyn cael gwared ar Owain.

Pennod 12

• Mae Gwyn yn mynd i gyfarfod cyhoeddus i drafod sefydlu maes carafannau mewn hen chwarel yn Nyffryn Ceiriog.
• Mae Gwyn yn gwrthwynebu’r datblygiad ac yn ymosod ar werth twristiaeth.

Pennod 13

• Mae Owain yn marw mewn damwain hofrennydd yn rhyfel y Malvinas/Falkland.

Pennod 14

• Deng mlynedd yn ddiweddarach mae Gwyn yn Bern, prifddinas y Swistir, lle mae e’n darganfod rhestr luniodd Owain o swyddogion Gogledd Iwerddon sy’n fradwyr.
• Yno hefyd mae llythyr iddo gan Owain sy’n esbonio pam iddo gael ei ladd.
• Mae Gwyn yn anfon y rhestr swyddogion bradwrus i lysgennad yr Unol Daleithiau.

Pennod 15

• Disgrifiad o’r ddamwain hofrennydd ar y Mull of Kintyre a laddodd 29 o bobl a swyddogion gwasanaethau cudd Gogledd Iwerddon.
• Yr awgrym yw bod hyn wedi ei wneud er mwyn gallu cael heddwch yng Ngogledd Iwerddon.
• Y bobl ar restr Owain yw nhw.