Prawf teg
Wrth gymharu gwahanol fwydydd, mae’n bwysig gwneud prawf teg.
Mae angen cadw llawer o newidynnau yn gyson:
- cyfaint y dŵr
- màs y bwyd
- pellter y fflam oddi wrth y tiwb berwi
Gall canlyniadau’r arbrawf fod yn wallus oherwydd:
- mae hi’n anodd cadw pellter cyson rhwng y bwyd sy’n llosgi a’r tiwb, sy’n amrywio colled gwres i’r amgylchedd
- mae hi’n anodd lleihau colled gwres wrth drosglwyddo’r bwyd sy’n llosgi o’r fflam i’r tiwb
- yn y dull hwn, mae hi’n bosibl bod y dafell yn llosgi’n anghyflawn gan olygu bod mesuriad y màs sy’n llosgi yn anghywir
Un gwelliant posibl fyddai defnyddio calorimedr bom:
- mae’r sampl yn llosgi mewn siambr wedi’i selio i leihau colledion gwres i’r amgylchedd
- mae siambr y sampl wedi’i hamgylchynu â siambr arall o ddŵr, ac rydyn ni’n mesur newid tymheredd y dŵr
- mae’r sampl yn llosgi mewn ocsigen pur i sicrhau ei fod yn hylosgi’n gyflawn
