Modelu amsugniad
Gallwn ni fodelu’r broses sy’n digwydd yn y coluddyn bach gan ddefnyddio darn o gyfarpar o’r enw Pilen athraidd ddetholus, artiffisial a ddefnyddir mewn arbrofion osmosis a thrylediad.. Mae tiwbin Visking yn bilen athraidd ddetholus, sy’n golygu bod mandyllau ynddo sy’n gadael i foleciwlau bach fynd drwodd, ond nid moleciwlau mwy.
Gallwn ni gydosod cyfarpar fel hyn i fodelu amsugniad yn y coluddyn bach.
Yn rheolaidd, mae’r hylif y tu mewn a thu allan i’r tiwbin Visking yn cael ei samplu a’i brofi am startsh (gan ddefnyddio ïodin) a glwcos (gan ddefnyddio adweithydd Benedict). Mae’r tabl hwn yn dangos y canlyniadau.
Question
Disgrifia ac eglura gynnwys y tiwbin Visking a’r dŵr ar ôl dwy funud.
Mae’r startsh i gyd yn dal i fod yn y tiwbin ar ôl dwy funud oherwydd mae moleciwlau startsh yn rhy fawr i ffitio drwy tyllau'r tiwbin Visking. Dyma’r rheswm pam, hyd yn oed ar ôl dwy funud, does dim startsh i’w gael yn y dŵr.
Mae glwcos yn ymddangos yn y dŵr oherwydd caiff startsh ei dreulio (torri i lawr) gan yr ensym amylas i glwcos. Mae molecylau glwcos yn ddigon bach i dryledu allan drwy tyllau’r tiwb Visking i’r hylif yn y bicer.
Mae gan y model hwn o amsugno bwyd wedi’i dreulio yn y coluddyn bach ei gyfyngiadau.
| Model | Ffurfiad | Tebyg | Gwahanol |
| Tiwbin Visking | Mur y coluddyn bach | Athraidd ddetholus | Arwynebedd arwyneb llai oherwydd diffyg filysau |
| Dŵr distyll | Gwaed | Isel mewn hydoddion i ddechrau i ganiatáu graddiant crynodiad uchel | Ddim yn llifo felly dydy’r graddiant crynodiad ddim yn cael ei gynnal |
| Model | Tiwbin Visking |
|---|---|
| Ffurfiad | Mur y coluddyn bach |
| Tebyg | Athraidd ddetholus |
| Gwahanol | Arwynebedd arwyneb llai oherwydd diffyg filysau |
| Model | Dŵr distyll |
|---|---|
| Ffurfiad | Gwaed |
| Tebyg | Isel mewn hydoddion i ddechrau i ganiatáu graddiant crynodiad uchel |
| Gwahanol | Ddim yn llifo felly dydy’r graddiant crynodiad ddim yn cael ei gynnal |
