Ìre teachd-a-steach ìosal
'S e an Tuarastal Bith-beò Nàiseanta (National Living Wage no NLW) am pàigheadh as ìsle san uair a dh'fheumas luchd-obrach fhaighinn fon lagh. Bhon Ghiblean 2024 b' e £11.44 an reat do dhaoine a bha aois 21 no nas sine.
Tha còir aig luchd-obrach a tha fo aois 21 air Tuarastal Bith-beò Nàiseanta (NLW). Bidh reat an tuarastail gach uair a rèir an aois agus an e preantas a th' annta.
| Aois | Reat bhon Ghiblean 2023 | Reat bhon Ghiblean 2024 |
| 21 agus nas sine | £10.18 | £11.44 |
| 18 - 20 | £7.49 | £8.60 |
| Fo 18 | £5.28 | £6.40 |
| Preantas | £5.28 | £6.40 |
| Aois | 21 agus nas sine |
|---|---|
| Reat bhon Ghiblean 2023 | £10.18 |
| Reat bhon Ghiblean 2024 | £11.44 |
| Aois | 18 - 20 |
|---|---|
| Reat bhon Ghiblean 2023 | £7.49 |
| Reat bhon Ghiblean 2024 | £8.60 |
| Aois | Fo 18 |
|---|---|
| Reat bhon Ghiblean 2023 | £5.28 |
| Reat bhon Ghiblean 2024 | £6.40 |
| Aois | Preantas |
|---|---|
| Reat bhon Ghiblean 2023 | £5.28 |
| Reat bhon Ghiblean 2024 | £6.40 |
A dh'aindeoin an NLW/NMW, tha am pàigheadh ìosal ann an iomadh obair ann an còcaireachd, glanadh agus cùram. Glè thric, cha bhi daoine anns na h-obraichean sin a tha air an NLW/NMW a' cosnadh gu leòr airgid airson a h-uile sìon a phàigheadh. Canar gu bheil ann am "bochdainn le cosnadh" bhon nach eil an teachd-a-steach aca mòr gu leòr airson an togail a-mach à bochdainn. Tha luchd-iomairt an aghaidh bochdainn ag iarraidh reat nas motha san uair no Fìor Thuarastal Bith-beò (Real Living Wage) a bhios co-dhiù £10.90 san uair (2023).
Ann an cuid de dhòighean, tha e nas dorra a bhith le pàigheadh ìosal na bhith gun chosnadh, oir faodaidh nach bi còir aig na daoine sin air an aon shochairean ri daoine a tha gun chosnadh. Tha aon às gach seachd iarrtas a thèid a chur gu bancaichean-bìdh an Trussell Trust do dhaoine a tha ag obair – a' mhòr-chuid pàirt-ùine.
