Na SA agus na Dùthchannan Aonaichte
Tha na Stàitean Aonaichte nam ball stèidheachaidh agus cudromach dhe na Dùthchannan Aonaichte (UN).
- Tha iad air aon dhe na còig buill mhaireannach (P5) air Comhairle Tèarainteachd nan DA a' toirt veto dha na SA air molaidhean Comhairle Tèarainteachd a' UN
- 'S iad as motha a tha a' cur ri buidseat nan DA, timcheall air còigeamh dhen t-sùim iomlan
- Tha prìomh-oifisean nan DA ann an New York
Ged a tha na SA nam ball cudromadh dhe na DA, chan eil an dàimh an-còmhnaidh air a bhith furasta. Sa mhòr-chuid de bhliadhnaichean, cha do phàigh na SA an t-sùim gu lèir a bu chòir dhaibh.
Trump agus a' UN
Nuair a bha Trump na Cheann-suidhe eadar 2016 agus 2020, bha e tric a' càineadh a' UN, gu h-àraidh co-cheangailte ris na bha na SA a' toirt dhaibh de dh'airgead. Chàin Trump cuideachd Buidheann Slàinte na Cruinne (WHO) a bha esan dhen bheachd a bha fo smachd Shìona.
Biden agus a' UN
Tha an Ceann-suidhe Biden (2020-24) nas taiceile dha na Dùthchannan Aonaichte agus tha e a' faicinn a' UN mar fhòram a bhrosnaicheas deamocrasaidh agus còraichean daonna air feadh an t-saoghail. Ann an 2021, chaidh na SA dhan WHO a-rithist.
