Strwythur dramaProfi dy wybodaeth am strwythur dramatig

Mae’r golygfeydd hyn yn cael eu cyfleu mewn ffordd linellol gan fod y stori’n cael ei hadrodd mewn trefn gronolegol a dydy hi ddim yn symud o’r gorffennol i’r dyfodol. Does dim ôl-fflachiadau yn cael eu defnyddio chwaith.

Byddwn i’n newid trefn gronolegol y golygfeydd ac ychwanegu tair golygfa ôl-fflach:

• Golygfa 1: Mathias yn rhedeg drwy'r gors.
• Golygfa 2: Mathias yn cael ei daro ar ei ben.
• Golygfa 3: Ôl-fflach i Mathias yn gyrru yn y nos.
• Golygfa 4: Ôl-fflach i Mathias yn cerdded drwy'r gors.
• Golygfa 5: Ôl-fflach i Mathias yn clywed rhywun arall yn y gors.
• Golygfa 6: Torri yn ôl i'r presennol a dangos Mathias yn gorwedd ar y llawr.

Mae’r tyndra dramatig yn adeiladu’n gynnil drwy’r darn. Mae’r gynulleidfa’n teimlo’r tyndra o’r amser mae Mathias yn clywed rhywun arall yn y gors. Mae'r ffaith ei bod hi'n nos gyda'r tywyllwch yn ei gwneud hi'n anodd iddo weld pwy sy'n ei ddilyn hefyd yn ychwanegu at y tyndra. Gan nad ydy'r gynulleidfa'n gallu gweld y person arall chwaith, mae hyn hefyd yn dwysáu'r teimlad o dyndra a dirgelwch.

Mae’r gerddoriaeth gafodd ei dewis yn helpu i greu’r tyndra yn ogystal. Mae'n adeiladu at uchafbwynt wrth i Mathias redeg ar ôl person drwy'r gors. Mae’r golygfeydd i gyd yn fyr sy’n helpu gyda chyflymder y stori sydd unwaith eto’n ychwanegu at yr awyrgylch anesmwyth mae’r cyfarwyddwr yn amlwg yn ceisio ei greu.

Mae tyndra dramatig yn ddyfais effeithiol wrth adrodd stori gan ei fod yn creu disgwyliadau neu gyffro’r gynulleidfa ynglŷn â chanlyniadau’r digwyddiadau mewn drama. Mae creu’r tyndra yn sicrhau bod y gynulleidfa yn awyddus i wybod beth sy’n digwydd nesaf ac mae’n rhan bwysig o stori dda.