Ymarfer darllen iaith y corff
Gwylia’r clip, ateba’r cwestiwn, yna cymhara dy ateb di gyda’r ateb enghreifftiol isod.
Question
Daw’r clip Saesneg hwn o’r ddrama, Julius Caesar, sy’n rhan o gyfres Shakespeare Unlocked BBC2. Mae Cassius, un o’r cynllwynwyr, yn ceisio dwyn perswâd ar Brutus i ymuno â’r cynllwyn i ladd Julius Caesar. Esbonia sut mae safle’r actorion a’u agosrwyddY pellter rhwng cymeriadau, gwrthrychau neu set. Gall agosrwydd arddangos agweddau ar gymeriad a pherthnasau ar y llwyfan. yn newid drwy’r olygfa a pham.
Ar ddechrau’r olygfa, mae Cassius yn ceisio dod yn agos at Brutus er mwyn gallu ei berswadio. Ond mae Brutus yn amlwg yn ceisio symud i ffwrdd gan gerdded yn gyflym o flaen Cassius. Yn y diwedd mae Brutus yn aros i siarad â Cassius ac wrth iddyn nhw agosáu at ei gilydd mae’r pellter rhyngddyn nhw’n newid, a allai awgrymu cynllwyn neu gynllunio.
Ond mae’r pellter yn newid wrth i Brutus wrthod Cassius a pharhau i gerdded. Mae hyn yn digwydd sawl tro yn ystod y sgwrs - mae bron fel dawns. Hanner ffordd drwy’r sgwrs mae’r lefelau’n newid gyda Cassius yn eistedd ar sil ffenest a allai fod yn ystryw fwriadol ar ran y cymeriad. Byddai defnyddio lefel is yn gwneud i Brutus feddwl ei fod yn fwy awdurdodol. Ond gallai fod yn dwyll ar ran Cassius i berswadio Brutus i newid ei feddwl drwy fabwysiadu lefel fwy gwasaiddPan fydd cymeriad yn teimlo ei fod yn israddol i gymeriad arall neu o statws is. Mae hyn yn gallu cael ei ddangos drwy ddefnyddio pellter, lefelau, diffyg cyswllt llygad, siarad yn betrusgar ayyb. . Mae’r lefelau’n newid eto’n ddiweddarach gyda Brutus yn eistedd a Cassius yn sefyll gan ei wneud yn fwy pwerus. Mae hyn hefyd yn adlewyrchu hynt eu sgwrs ar y pwynt hwn.
Yn ystod hanner cyntaf y sgwrs, mae’r ddau gymeriad yn sefyll gyferbyn â’i gilydd ond erbyn y diwedd maen nhw ochr yn ochr sy’n awgrymu nad ydyn nhw bellach yn anghytuno. Mae’r lefelau’n newid eto gyda Brutus yn eistedd a Cassius yn sefyll gydag osgo mwy penderfynol, sy’n ei wneud yn fwy pwerus. Mae’r olygfa’n dod i ben gyda’r ddau gymeriad yn sefyll, ond Brutus bellach sy’n rheoli gydag osgo cryfach. Ar ddiwedd yr olygfa mae’n mynd i mewn i ofod personol Cassius i fynegi ei deimladau’n glir na fydd yn cynllwynio gyda Brutus. Mae hyn yn gweithio’n dda i ddod â’r ‘ddawns’ rhwng y cymeriadau i ben yn gryf.
Ceir nifer o dechnegau iaith y corff yma sy’n rhoi arwydd o is-destun yr olygfa i’r gynulleidfa a hefyd y ffordd mae grym yn symud rhwng y ddau gymeriad. Mae lefelau, pellter a safle yn cael eu defnyddio. Gan fod yr olygfa’n eithaf hir a geiriol, mae amrywio iaith y corff yn bwysig hefyd er mwyn cadw diddordeb y gynulleidfa oherwydd byddai’r olygfa’n statig ac yn anniddorol pe na bai’r actorion yn amrywio iaith y corff drwyddi draw.
