Symudiadau sy’n diffinio cymeriadau
Ffurf theatrig a ddechreuodd yn yr Eidal yn yr 16eg ganrif oedd Math o gomedi fyrfyfyr yn seiliedig ar gymeriadau stoc a oedd yn boblogaidd yn yr Eidal rhwng y 16eg a'r 18fed ganrif. Roedd y dramâu yn dilyn llond dwrn o blotiau sylfaenol ac roedd actorion yn tynnu ar ddigwyddiadau cyfredol wrth addasu eu dialog a'r hyn a oedd yn digwydd.. Mae’n defnyddio cymeriadau stoc neu fathau o gymeriadau, gyda nodweddion penodol yn eu diffinio nhw, yn enwedig symudiadau comedïol. Mae’r syniad hwn o ddefnyddio symudiad sy’n Delwedd neu syniad gorsyml am fath penodol o berson, lle neu wrthrych. i ddiffinio cymeriad yn gallu bod yn llwyddiannus yn dy waith di hefyd, yn enwedig mewn comedi. Edrycha am ddylanwadau fel y rhain pan fyddi di’n disgrifio symudiadau’r corff mewn cynhyrchiad. Er enghraifft roedd dylanwad commedia dell’arte i’w weld yn amlwg ar gynhyrchiad llwyddiannus y National Theatre o One Man, Two Guvnors. Darllena Theatr Gorfforol i ddysgu mwy am hyn.
Nodweddion corfforol penodol
Mae’n bosib y bydd gan gymeriad cyflawn realistig nodweddion corfforol penodol, sy’n unigryw i’r cymeriad hwnnw. Er enghraifft gallai Mwnci o ddrama Sera Moore Williams, Mwnci ar Dân, wthio ei ddwylo’n ddwfn i’w bocedi a symud o un droed i’r llall i ddangos ei egni a’i anesmwythder.
Mae crafu dy drwyn yn nerfus, taflu dy wallt yn ôl yn falch neu hercio’n amlwg oll yn bethau allet ti eu defnyddio. Meddylia am fathau o gymeriadau ar y llwyfan neu ar y sgrin sy’n gyfarwydd i ti, ac unrhyw nodweddion penodol neu symudiadau sy’n eu diffinio nhw. Sut byddai cymeriad teledu Mr Bean yn wahanol heb fynegiant wyneb ‘rwber’ a symudiadau corfforol trwsgl?
