Ciamar a tha BPA sgìreil gan taghadh a Phàrlamaid na h-Alba?
Anns an t-Siostam Ball a Bharrachd, bidh an dara pàipear-bhòtaidh air a chleachdadh airson BPA sgìreil a thaghadh. Tha seo a' toirt cothrom (dara bhòt) do luchd-bhòtaidh bhòtadh airson partaidh poilitigeach.
'S e an dara bhòt seo a tha a' ciallachadh gur e seòrsa de riochdachadh co-roinneil a th' anns an t-Siostam Ball a Bharrachd. Tha e air a chleachdadh gus gum bi co-roinn nam BPA bho gach partaidh poilitigeach coltach ris an àireimh bhòtaichean a fhuair iad.
Ciamar a tha an dara bhòt dhen t-Siostam Ball a Bharrachd ag obrachadh?
- ron taghadh, bidh gach partaidh poilitigeach a' foillseachadh liosta thagraichean airson gach sgìre
- tha liosta de phartaidhean poilitigeach air an dara pàipear-bhòtaidh
- bidh luchd-bhòtaidh a' cur X ri taobh a' phartaidh a tha iad ag iarraidh
- tha na bhòtaichean air an cunntadh airson co-roinn nam bhòtaichean a fhuair gach partaidh fhaicinn
Tha an àireamh de BPA roinn-phàrlamaid a chaidh a thaghadh airson gach partaidh air a chunntadh agus air a choimeas ri co-roinn nam bhòtaichean a fhuair gach partaidh anns gach sgìre.
Tha BPA a bharrachd air an taghadh bho liosta sgìreil gach partaidh poilitigeach. Tha an àireamh de BPA a bharrachd air a chleachdadh gus co-roinn na bhòtaichean a fhuair gach partaidh anns an dara baileat a shealltainn.
Tha seo ag amas air an toradh san fharsaingeachd a dhèanamh nas cothromaiche dha gach partaidh.
Mar eisimpleir, ann an 2021 cha d' fhuair am Partaidh Uaine bhòtaichean gu leòr airson BPA a thilleadh. Ach fhuair iad ochd BPA a bharrachd (no liosta) thar seachd de sgìrean Alba air sgàth co-roinn nam bhòtaichean a fhuair iad anns na sgìrean sin. Tha seo a' toirt riochdachadh nas cothromaiche do luchd-bhòtaidh a' Phartaidh Uaine a rèir na taic phoilitigich a th' aca thar nan sgìrean ann an Alba.
Tha 56 BPA sgìreil a bharrachd ann (7 gach sgìre). Nuair a chuireas tu sin ri 73 BPA nan roinnean-pàrlamaid, tha 129 BPA ann gu lèir.
