Dè na tha de bhuaidh chruinneil aig Sìona?
Ged nach e mòr-chumhachd a th' ann an Sìona fhathast, tha a' bhuaidh aice a' fàs a thaobh na h-eaconamaidh agus a thaobh a h-armailt.
Buaidh armailteach
Ged a tha armailtean nan SA air am meas mar an fheadhainn as adhartaiche air an t-saoghal, tha armailtean Shìona fada nas motha. Tha mu 2.8 millean saighdear, seòladair agus neach-adhair ann an armailtean Shìona – a dhà uiread 's a tha aig na SA.
Tha còmhstri mu thìrean air a bhith ann am Muir Shìona a Deas. Tha an sgìre seo cudromach a thaobh malairt chruinneil. Tha bàtaichean Sìonach air maill a chur air obair cuid de dhùthchannan. Nam measg sin, tha iasgach agus lorg airson ola, agus tha na SA, Astràilia agus an RA air bàtaichean-cogaidh a chur dhan sgìre.
San t-Sultain 2021, rinn na SA aonta ùr ris an RA agus ri Astràilia ris an canar AUKUS. Thugadh cunntas air a seo mar aonta an aghaidh Shìona, ged nach robh iomradh air an dùthaich anns an naidheachd gun a meadhanan.
