Cymharu dwy set o ddata gan ddefnyddio mesur gwasgariad
Weithiau bydd gofyn i ni gymharu dwy set o ddata gan ddefnyddio mesur canolduedd ac wrth ystyried Mesur o wasgariad sy'n cael ei gyfrifo wrth dynnu'r rhif lleiaf o'r rhif mwyaf. y data, sy’n nodi’r mesur gwasgariad.
Question
Mae Alastair a Julie yn cymharu eu canlyniadau yn yr arholiadau Gwyddoniaeth modiwlaidd.
Gan ddefnyddio’r cymedr a’r amrediad, cymhara eu perfformiad.
Alastair:
\(Cymedr~=~\frac {32~+~56~+~40~+~38~+~52} {5}~=~\frac {218} {5}~=~43.6\)
\(Amrediad~=~{56}~-~{32}~=~{24}\)
Julie:
\(Cymedr~=~\frac {39~+~43~+~47~+~40~+~49} {5}~=~\frac {218} {5}~=~43.6\)
\(Amrediad~=~{49}~-~{39}~=~{10}\)
Sgoriodd Alastair a Julie gymedr o 43.6 marc. Roedd amrediad marciau Julie yn 10, o’i gymharu â 24 Alastair, sy’n golygu bod ei marciau hi’n llawer mwy cyson ac yn agosach at ei gilydd.
Er bod Alastair wedi perfformio’n dda iawn yn uned 2, mae hyn mewn cydbwysedd â’i berfformiad gwael yn uned 1.
I grynhoi: byddai’r cymedr a’r amrediad yn awgrymu bod Julie wedi perfformio’n well ar y cyfan.
Question
Mae dau ddisgybl yn ymarfer ar gyfer ras wib dros 100m. Dyma’r amseroedd yn eu hymarferion (mae pob un o’r amseroedd mewn eiliadau);
Disgybl A: 20, 19, 22, 18, 20, 21, 18, 35
Disgybl B: 18, 19, 18, 21, 21, 21, 23, 22
Gan ddefnyddio’r canolrif a’r amrediad, cymhara’r ddwy set hyn o ddata.
Er bod y canolrifau’n awgrymu bod disgybl A fymryn yn gyflymach gan fod ei ganolrif yn llai, mae ei amrediad llawer yn fwy nag amrediad disgybl B. Gan fod amseroedd disgybl A yn amrywio’n fawr (17 eiliad rhwng ei amseroedd cyflymaf ac arafaf) mae’n awgrymu bod disgybl B yn wibiwr gwell gan fod ei amseroedd yn llawer mwy cyson, gyda dim ond gwahaniaeth o 5 eiliad rhwng ei amseroedd cyflymaf ac arafaf.
