Ajibade Babalade: Àwọn ọmọ Naijiria ṣèdárò gbajúgbajù agbábọ́ọ̀lù Super Eagles tó dolóògbè

Awọn ọmọ Naijiria ti n ṣedaro gbajugbaja agbabọọlu Naijiria, Ajibade Babalade to se alaisi ni ẹni ọdun mejidinlaadọta.

Babalade to kopa ninu idije Africa Cup of Nations ni ọdun 1992, lo ku lojiji lẹyin ti o ni aisan ọkan.

Akẹgbẹ rẹ, Ike Shorunmu ni ileewosan akọkọ ti wọn gbe e lọ kọ ọ, ko to di wi pe wọn gbe lọ si ileewọsan ẹkọni ti ilu Ibadan, tii o si dakẹ ki wọn to wọle sinu ileewosan naa.

Ajọ to n risi ọrọ erebọọlu ni Naijiria. NFF lasiko ti wọn n ṣedaro agbabọọlu ọwọ ẹyin to doloogbe naa loju opo Twitter wọn, sọ wi pe ibanujẹ ni iroyin iku rẹ jẹ fun awọn.

Awọn ololufẹ rẹ ranti iṣẹ takuntakun to ṣe lati gba ami ẹyẹ lasiko idije Afcon 1992 to waye ni orilẹede Senegal.

Nàìjíríà làwọn ní ìfẹ́ sí ìpèsè abẹ́rẹ́ àjẹsára Covid-19 tí Russia ṣe

Àwọn dókítà yóò bẹ̀rẹ̀ ìyanṣẹ́lódí lọ́jọ́ Ajé

Wo ohun tí ilé ẹjọ́ ní kí wọ́n ṣe fún Sunday Shodipe, afurasí ìṣekúpani l'Akinyele

Níbo lọ̀rọ̀ dé dúró nípa iṣẹ́ àwọn tó n wa iṣẹ́ N-Power?

Arakunrin Nasiru Suleiman ni Babalade ni laipẹ ki o to ku ni o ṣi fẹran aworan ti oun fi sita nigba ti oun ṣe ayẹyẹ ọjọ ibi ọmọ rẹ akọkọ.

Bakan naa ni awọn ololufẹ erebọọlu ni Naijiria fikun wi pe ipa takuntakun ti Babalade ko ninu ẹgbẹ agbọọla Enyinba lo jẹ ki wọn gba ami ẹyẹ CAF Champions League nigba rẹ.

Iyawo Ajibade Babalade ati ọmọ rẹ mẹta ti wọn n gbe lorilẹ-ede Amerika lo gbẹyin rẹ.

Ni Igba aye rẹ, Babajide Shorunmuti jẹ akọnimọọgba fun ẹgbẹ agbabọọlu Niajiria, Shooting Stars.

Bakan naa lo gba bọọlu loke okun fun awọn orilẹ-ede bii Ivory Coast (African Sports0 , Korea (Anyang LG Cheetahs), Austria (SK Sturm Graz) ati ẹgbẹ agbabọlu Mohun Bagan AC ni orilẹ-ede India.