World Cup: Àgbàọ̀jẹ̀ agbọ́ọ̀lú 10 tí kò gba ife ẹ̀yẹ àgbáyé rí

Nibayii ti awọn agbaọje agbabọólu meji lagbaye Cristiano Ronaldo ati Lionel Messi ti dagbere fun idije ife ẹyẹ agbaye l'orilẹede Russia, ẹ jẹ ka wo awọn ìlúmọ̀ọ́ká agbọ́ọ̀lú 10 tí wọn kuna lati gba ife ẹ̀yẹ àgbáyé rí bó tilẹ̀ jẹ́ pé àwọn ènìyàn rí wọn bíì akọni.

1. Lionel Messi to jẹ balogun ikọ Argentina ni akọkọ.

Lionel Messi jẹ balogun ikọ Argentina ni akọkọ.

Messi to jẹ ọmọ ọdun mọkanlelegbọn le maa l'anfani miran láti kopa ninu idije ife ẹyẹ agbaye miran.

O wa lara ikọ agbabọọlu Argentina tó fidi rẹmi ninu aṣekagba idije ife ẹyẹ agbaye ọdun 2014 ni orilẹede Brazil.

Àwọn iròyin tì ẹ leè ní ìfẹ̀ síí:

2. Cristiano Ronaldo

Ronaldo ti lọ si ife ẹyẹ agbaye lẹmẹrin ọtọọtọ ti ko si l'anfani lati gba ife ẹyẹ naa.

3. Oliver Kahn

Oliver Kahn jẹ amule tẹlẹ ri fun orilẹede Germany ko gba ife ẹyẹ agbaye ri bo tilẹ je pe Germany ti gba ami ẹyẹ naa lẹmẹrin ọtọọtọ.

4. Paolo Maldini

Agbaọjẹ adi-ẹyin-mu Paolo Maldini ko ri ife ẹyẹ agbaye gba, bẹẹni orilẹede rẹ Italy gba ife ẹyẹ naa nigba mẹrin.

5. Johann Cruyff

Gbajugbaja agbabọọlu fun Netherlands ni Johann Cruyff ṣugbọn o kuna lati gba ife ẹyẹ agbaye.

6. Michel Platini

Michel Platini naa fakọyọ fun ilẹ Faranse nigbati o n gba bọọlu, ṣugbọn ko ri ife ẹyẹ agbaye gba fun orilẹede Faranse.

7. Eusebio da Silva Ferreira

Eusebio ti fakọyọ ri ninu ife ẹyẹ agbaye nibi to ti gba ayo mẹsan wọle, ṣugbọn oun naa kuna lati gba ife ẹyẹ agbaye fun Portugal.

8. Ferenc Puskas

Ferenc Puskas ni gbajugbaja agbabọọlu orilẹede Hungary to pegede julọ, ṣugbọn o wa lara awọn agbaọjẹ agbabọọlu ti ko gba ife ẹyẹ agbaye ri.

9. Wayne Rooney

Rooney wa lara awọn ilumọọka ẹlẹsẹ ayo fun ilẹ Gẹẹsi, oun naa ko lanfani lati gba ife ẹyẹ agbaye.

10. Raul Gonzalez

Raul to jẹ ẹlẹsẹ ayo to pegede fun orilẹede Spain nigbati o fi n gba bọọlu, amọ oun naa ko ri ife ẹyẹ agbaye gba.