You’re viewing a text-only version of this website that uses less data. View the main version of the website including all images and videos.
Russia 2018: Super Eagles ati Poland yoo dije ọlọrẹsọrẹ
Wọn ti si ibudo igbaradi ikọ agbabọọlu Super Eagles ti orilẹede Nigeria fun ifẹsẹwọnsẹ ọlọrẹsọrẹ pẹlu orilẹede Poland ti yoo waye lọjọ aje.
Papa isere ilu Wroclaw ni Naijiria ati Poland yoo ti maa waa ko gẹgẹbii ara igbaradi awọn ikọ agbabọọlu mejeeji fun idije ife ẹyẹ agbaye ti yoo waye ni osu kẹfa ọdun yii.
Alamojuto fun ikọ agbabọọlu Super eagles fidi rẹ mulẹ wipe ile igbafẹ Radisson Blu lawọn agbabọọlu Super Eagles yoo wọ si lasiko igbaradi ati ifẹsẹwọnsẹ ọlọrẹsọrẹ naa ti yoo waye ni ọjọ ẹti.
Saaju ni olukọni ikọ agbabọọlu Super eagles, Gernot Rohr ti fiwe pe awọn agbabọọlu mejidinlọgbọn ti yoo kopa ninu ifẹsẹwọnsẹ ọlọrẹsọrẹ ti yoo waye naa.
Awọn agbabọọlu naa yoo tun kopa ninu ifẹsẹwọnsẹ ọlọrẹsọrẹ miran pẹlu orilẹede Serbia nilu London nilẹ Gẹẹsi, iyẹn ni ọjọ mẹrin lẹyin ifẹsẹwọnsẹ ọlọrẹsọrẹ pẹlu Poland naa.
