O kéré sí nọ́mbà! Anthony Joshua fi ẹ̀ṣẹ́ Sagamu fọ́ Francis Ngannou lẹ́nu ní Saudi Arabia

Abẹsẹkubiojo ọmọ Naijiria ati orileede Britain nii, Anthony Joshua ti ni ki Francis Ngannou ṣẹnu kẹmu pẹlu bo ṣe fẹsẹ wo lẹnu ninu idije to waye laarin awọn mejeeji lorileede Saudi Arabia.

Abala keji idije naa ni Joshua ti lu Ngannou lalubami.

Koda ninu abala kini idije naa ni o ti kọkọ fẹsẹ wo lulẹ ko to wa pari iṣẹ lara rẹ ni abala keji.

Bi ẹni mutika ni Ngannou ṣe n ta gọrọ gọrọ nigba to dide nibi to wo lulẹ si ki Anthony Joshua to fi bajinatu ẹsẹ da bira si lara.

Adari idije naa ṣiju aanu wo Ngannou to si sọ pe o to gẹ.

Wọn ni lati wa awọn olutọju ilera lati ṣabẹwo si tori iya ti Joshua fi jẹ.

Mi o kẹrẹ lati koju ẹnikẹni

‘’Mo n pada lọ sinu ibuba mi lẹyin ija yi. Bi wọn ba tu mi silẹ pada mo tun maa doju ija kọ ẹni ba yọju si mi.’’

Esi ree ti Anthony Joshua fọ lẹyin idije naa gẹgẹ bi Tyson Fury to di bẹliiti WBC lagbaye mu ṣe n wo lẹgbẹ ibi ti ija naa ti waye.

Nigba ti Fury ati Ngannou koju ni oṣu Kẹwaa, o tiraka lati bori rẹ ni tohun ti pe Ngannou fẹyin rẹ lelẹ ninu idije naa.

Ami ayo kan lo fi ṣagba Ngannou.

‘’Nigba ti mo ri ija to waye laarin Ngannou ati Fury, mo ni o di dandan ki emi naa koju arakunrin Ngannou yi.Akikanju abẹṣẹkubiojo nii ṣe ko si tunmọ si pe ifidirẹmi rẹ yi buu ku rara ati rara’’

‘’Mo sọ fun pe ko ma fi iṣẹ abṣẹsẹkubiojo yi silẹ. Lẹnu igba to bẹrẹ awọn ogbontarigi meji lo ti koju bayii.’’

Igba kẹẹrin ree ti Anthiny Joshua yoo jawe olubori laarin oṣu mọkanla.

Eyi si n tọka si pe bo pẹ bo ya igbadi abẹsẹkubiojo to fakọyọ lagbaya to n foju sun yoo ja mọ lọwọ laipẹ.

Olupolongo idije ere idaraya nii Eddie Hearn ti kesi Anthony Joshua latikoju ẹnikẹni to ba jawe olubori laarin Tyson Fury ati Oleksandr Usyk.

Awn mejeeji yoo gbena woju ara wọn loṣu Kaarin ọdun yi lati mọ ẹni ti yoo gba bẹliiti.

Aaye si tun wa fun wọn lati koju pada lẹẹkan si ki ọdun i to pari.

''Mi o ni ja laarin ọdun marun un.''Joshua fikun.

O ni ''Eddie Hearn ati awọn ikọ mi yoo maa dari eto ọjọ iwaju mi.''