Wo àwọn ìgbésẹ̀ tí o gbọ́dọ̀ gbé láti ra ọjà ẹ̀dínwó ní Ounjẹ Eko
Oríṣun àwòrán, LASG
Lẹyin to ṣagbekalẹ ọja ẹdinwo onjẹ ti wọn pe orukẹ rẹ ni Ounjẹ Eko, ijọba ipinlẹ Eko ti kede awọ ilana ati igbesẹ ti araalu gbọdọ gbe ki wọn to le maa ra ounjẹ lọja naa.
Ninu atẹjade kan loju opo X rẹ ni ijọba ipinlẹ ọhun ti fi ikede naa sita.
Gẹgẹ bi ẹ ṣe mọ pe kaakiri ipinlẹ Eko lawọn ọja naa wa, ẹdinwo 25% lo si wa fun gbogbo ounjẹ ti wọn n ta nibẹ.
Oríṣun àwòrán, Ibitoye Abeeb
Ojuko mẹtadinlọgbọn ni Ounje Eko wa ni Ikeja, mẹfa wa ni Lagos island, mẹsan an ni Ikorodu, marun un ni Epe ati mẹwaa ni Badagry.
Aago mẹwaa aarọ ọjọ Aiku ni awọn ọja Ounjẹ Eko naa yoo ṣi titi di aago mẹrin irọlẹ.
Igbesẹ lati ra ounjẹ ni Ounje Eko
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 1
Ti o ba fẹ ra ounjẹ ni Ounjẹ Eko, ohun akọkọ ti o gbọdọ ṣe ni ki o ra kaadi ninu eyii ti o maa ko owo to kaju iye ounjẹ ti o fẹ ra si.
O si loju awọn ti ijọba fun laṣẹ lati maa ta kaadi naa faraalu lasiko yii.
Lẹyin naa ni o maa lọ sibi ti o ti fẹ ra ounjẹ lati fun ẹni to n ta ounjẹ ni kaadi rẹ lati ra ounjẹ ti o fẹ ra.
Ọjọ Aiku, ọjọ kẹtadinlogun, oṣu Kẹta, ọdun 2024 yii ni ọja Ounjẹ Eko di ṣiṣi.
Ìjọba ìpínlẹ̀ Eko yóò ṣí ọjà oúnjẹ ẹ̀dínwó káàkiri ìpínlẹ̀ náà lọ́la ọjọ́ ìsinmi
Oríṣun àwòrán, Babajide Sanwo-Olu/X
Gbogbo eto ni o ti to bayii fun ijọba ipinlẹ Eko lati ṣi ọja ounjẹ ẹlẹdinwo kaakiri ipinlẹ naa.
Kọmiṣọna eto iroyin ati ọgbọn inu, Gbenga Omotoso lo sọrọ yii loju opo X rẹ pe Gomina Babajide Sanwo-Olu ti paṣẹ pe ki ọja naa eyi ti wọn pe orukọ rẹ ni ‘’Ounjẹ Eko’’ di ṣiṣi lọjọ Aiku ọjọ kẹtadinlogun oṣu Kẹta yii kaakiri ẹkun marun un ipinlẹ Eko.
Iru awọn ounjẹ tawọn eeyan ipinlẹ Eko yoo maa ri ra lawọn ọja naa ni ẹwa, irẹsi, burẹdi, ẹyin, timọ ati alubọsa ni owo ti ko gara.
Kọmiṣọna eto iroyin ṣalaye pe lati le jẹ ki eto naa lọ ni irọwọrọsẹ, awọn eeyan to ba fẹ ra nnkan yoo maa gba iwe pelebe tikẹẹti lati ra ọja.
O ni ijọba ti gba awọn ontaja to mọ nipa ounjẹ lati ṣe agbatẹru eto naa.
Iye ti wọn yoo maa ta ounjẹ kọọkan yoo wa lara awọn ounjẹ yii.
Baagi iwọn 5kg irẹsi ni wọn yoo maa ta ni N5,325 nigba ti 1kg rẹ yoo si jẹ N1,065.
N6,225 ni wọn yoo maa ta ẹwa iwọn 5kg nigba ti iwọn 1kg yoo jẹ N1,24.
Iye ti wọn yoo maa ta awọn ounjẹ yoku naa yoo di mimọ fawọn to ba fẹ ra ounjẹ naa.
Ọgbẹni Omotoso ṣalaye pe ọja yoo wa ni ibudo mẹtadinlọgbọn ni Ikeja, nigba ti ọja naa yoo wa ni ọna mẹfa ni agbegbe Lagos Island.
Ibudo mẹsan an ni irufẹ ọja yii yoo wa niluu Ikorodu, marun un niluu Epe, nigba tawọn eeyan yoo maa ri ounjẹ ra ni ibudo mẹwaa niluu Badagry.
Gomina Sanwo-Olu ti wa rọ awọn eeyan ipinlẹ Eko pe lati fọwọ sowọ pọ pẹlu awọn to wa nidi eto naa fun aṣeyọri rẹ.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 2
