Biola Adebayo, gbajúmọ̀ òṣèré tíátà, di ọlọ́mọ lẹ́yìn tó wá abánigbóyún fún ìgbà mẹ́ta láàrin ọdún méjì láì rí
Oríṣun àwòrán, Instagram/@biolabayo
Gbajumọ oṣere tiata, Adebayo Abiola Ayọmide ni Eleduwa ti ṣe ọmọ tuntun jojolo kan fun oun ati ọkọ oun.
Ninu atẹjade kan to fi si oju opo Instagram rẹ, gbajumọ oṣere naa ni eto imọ igbalode oyun abanigbe ti oloyinbo n pe ni ‘surrogacy’ loun fi bi ọmọ naa .
O ni igba mẹta ọtọtọ loun wa obinrin to ba oun gbe oyun, ti eto naa si tun ja si otubantẹ laarin odun meji, ki Olorun to da oun loun.
"Mo gbé atọ ọkunrin sinu ile ọmọ mi lati bimọ amọ pabo naa lo ja si"
Bakan naa lo ṣalaye pe ohun tun ṣe eto gbingbin atọ ọmọ sinu ile ọmọ oun lọna igbalode, IVF ni igba kan ti eyi pẹlu tun ja si otubantẹ.
“Ọlọrun ti pada fun emi ati ọkọ mi ni ọmọ ọkunrin lantilanti nipasẹ imọ igbalode oyun abanigbe ti oloyinbo n pe ni ‘surrogacy’
“Igba ọtun ti de. Kaabọ ọmọ wa TA.”
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post
Eekan oṣere tiata naa tun fikun pe oun yoo sọ itan irin ajo bi oun ṣe di ọlọmọ nípasẹ ilana imọ igbalode surrogacy laipẹ.
O ni eyi yoo ṣe koriya fun awon obi to ṣi n tiraka lati ri ọmọ tiwọn gbe jo nipasẹ eto imọ igbalode yii.
