Ayantunde, ọmọ orílẹ̀èdè Germany tó ń fi ìlù gáǹgan dárà káàkiri àgbàyé
Ni ilẹ Yoruba, lara awọn aṣa to da ẹya Yoruba yatọ ni eto igbafẹ ati idanilaraya rẹ. Bẹẹni lara awọn ohun to mu u da yatọ naa ni ilu gangan. Ko si ibikibi ti a ba ti ri ilu gangan lorilẹ agbaye ti kii ṣe iran Yoruba lo kọkọ maa n sọ lọkan ẹni to ba ri iran bẹẹ.
Amọṣa o, ni ilu Vienna lorilẹede Austria, BBC Yoruba ri iran ara ọtọ nibi ti arakunrin oyinbo kan ti n lu ilu gangan ni alugbadun.
Ọmọ orilẹede Germany ni Ayantunde Akano. Alawọfunfun ni amọṣa. Ede Yoruba dantọ lẹnu rẹ bi ẹni wọn bi si ilẹ Ifẹ ni.
Ninu ọrọ to ba BBC News Yoruba sọ, Ayantunde ṣalaye pe oun ni Oloye Agbaṣaga ilẹ Yoruba, ni ibi gbogbo ti oun ba si ti wa ni oun maa n rii gẹgẹbi ojuṣe wi pe ina aṣa Yoruba ko jo ajorẹyin.
- Ìlú kan nìyí tó ní orúkọ mẹ́ta àti ọba mẹ́ta
- Kò sí oníṣẹ̀ṣe tó ń pe Ògún, Èṣù ní Ọlọ́run bí àwọn ẹlẹ́sìn kan ṣe ń yára sọ ènìyàn di ọlọ́run wọn – Ifaleke, adarí ìjọ Ọ̀rúnmìlà
- Ìdí rèé tí ọmọ ẹgbẹ́ Emèrè ṣe ń yè tàbí kú - Ẹgbẹ́ Emere ṣàlàyé
- Wo àwọn ọ̀rọ̀ tí Ọwa ìlú Idanre Ọba Adegunle Aroloye sọ sílẹ̀ kí ó tó wàjà
‘Lati ọdun 1996 ni mo ti n lu ilu Yoruba’
Oloye Ayntunde Akano ṣalaye siwaju sii pe lati ọdun 1996, iyẹn ọdun mejidinlọgbọn sẹyin loun ti n lu ilu gangan.
O ni ifẹ ti oun ni si orin ilẹ Afirika lo sun oun de idi ilu Yoruba paapaajulọ ilu gangan.
O ni bi ilu Yoruba ṣe maa n fọhun bi eniyan ti awọn onilu ba ti kọngọ bọlu lo jẹ ki oun tubọ fẹran ilu Yoruba ju ilukilu lọ.
Ayantunde ni yatọ si gangan, oun a tun ma a lu awọn ilu Bata bii, iya ilu Bata ati omele mẹta bata.
