BangladeshThunder bolts: Àrá sán pa èèyàn 17 níbi ayẹyẹ ìgbéyàwó

Oriṣiiriṣii lo n ṣẹlẹ ni duniyan. O kere tan, eeyan mẹtadinlogun lo ba Ọlọrun ni alejo lẹyin ti aramọka san pa wọn.

Nibi ayẹyẹ igbeyawo lawọn eeyan naa wa lorilẹede Bangladesh ti iṣẹlẹ ọhun fi ṣẹlẹ.

Eeyan mẹrinla to fi mọ ọkọ iyawo gan an gan an lo farapa nibi iṣẹlẹ naa.

Amọ ori ko iyawo yọ nitori ko tii wa nibẹ nigba ti iṣẹlẹ ọhun waye.

Iroyin sọ pe awọn eeyan naa n bọọlẹ lati inu ọkọ oju omi niluu Shibganj lọ si ile iyawo nigba ti ara bẹrẹ si ni san.

Awọn eeyan ilu naa ṣalaye pe oriṣiiriṣii ẹdun ara lo ba awọn eeyan naa.

Ọdọọdun ni ara maa n san pa awọn eeyan apa Guusu ilẹ Asia.

Koda, orilẹede Bangladesh kede iṣẹlẹ aramọka gẹgẹ bi ijamba fun orilẹede naa lẹyin ti ara san pa igba eeyan loṣu marun un ọdun naa.

Bakan naa, ara tun san pa eeyan mejilelọgọrin lọjọ kan ṣoṣo lasiko naa.

Awọn onimọ nipa oju ọjọ sọ pe bi awọn eeyan ṣe n gegi ninu igbo wa lara ohun to jẹ ki ara maa san pa awọn eeyan.

Wọn ni awọn igi to ga ninu igbo lo n maa n gba ara sara ki wọn to ge wọn lulẹ.