Foluke Daramola: Òfin El-Rufai láti tẹ àfipábánilòpọ̀ ní ọ̀dá gbọ́dọ̀ di mímúṣẹ
Oríṣun àwòrán, Instagram/folukedaramolasalako
Gbajumọ oṣere tiata lobinrin, Foluke Daramola ti kede pe oun fara mọ titẹ awọn afipabanilopọ ni ọda.
Daramola ni iroyin to tii dun mọ oun ninu julọ ni ikede ofin ti ijọba ipinlẹ Kaduna ṣe, eyi to ni ki wọn maa tẹ awọn afipabanilopọ ni ọda.Lasiko to n ba akọroyin Punch sọrọ ni Foluke Daramola fi ero rẹ yii han sita.
Bakan naa ni oṣere tiata naa ni, oun tun dunnu si abala ofin naa to salaye pe, ki wọn yọ ẹyin ile ọmọ obinrin to ba fipa ba ọkùnrin lopọ.
- Bàbá ni Jimoh Aliu jẹ́ fún mí lọ́jọ́ kọ́jọ́- Orisabunmi
- Ọ̀rọ̀ Soyinka àti Obasanjo papọ̀ lórí pé Buhari n ṣe ìpínyà Nàìjíríà
- ''Ìjọba Eko kọ́ ló rán àwọn ọ́ọ́físà tó ń ta apẹ̀rẹ̀ ikòlẹ̀sí níṣẹ́, oníjìbìtì ni wọ́n''
- Ikorodu Bois fí àwàdà bọ àwòrán àwọn ọmọ Otedola, ẹ wò ará tí wọ́n dá
- Gbàjarè! Ọ̀gọ̀ọ̀rọ̀ agbébọn lo wà nílúù Kishi, National Park - Gani Adams figbe ta
- Funke Akindele fún mi lówó tí mo fi gba ilé, kò ra ilé fún mi o - Ajirebi
Daramola wa n tẹnumọ pe, yoo dara ki ijọba ri daju pe ofin naa di mimuṣẹ, nitori ọtọ ni ki ijọba ṣe ofin, ọtọ ni ki wọn mu ṣẹ."
Aimọye ofin la ti ṣe ni Naijiria, ti a ko ṣe amusẹ rẹ. Boya wọn kan n ṣe ofin yii fáwọn mẹkuunu ni, ko si fáwọn alagbara.
Amọ tijọba ba ṣe amusẹ ofin titẹ awọn afipabanilopọ ni ọda bo ṣe yẹ, eyi yoo nipa lori ironu awọn eeyan to ba fẹ huwa buruku yii.
"Bẹẹ ba gbagbe, Foluke Daramola ti sọ saaju ninu ifọrọwerọ rẹ pẹlu BBC Yoruba pe, ọdọ ni oun wa nigba ti ayalegbe awọn kan fi tipa ba oun lopọ.
O ni ọpẹlọpẹ awọn ọrẹ oun to gba oun nimọran lati ke gbajare ọrọ naa sita, eyi to mu ki ẹru wiwo aya oun di fifuyẹ.
