Human traffiking: Òyìnbó kòráà, amòfin kan wọ gbaga òfin fún títa obìnrin kan sóko ẹrú

Ọwọ ofin ti tẹ ọmọ orilẹede Lẹbanon kan torukọ rẹ jẹ Wasit Muhammad pẹlu awọn eeyan meji miran ti wọn lo lọwọ ninu tita arabinrin kan, torukọ rẹ n jẹ Ọmọlọla Ajayi si oko ẹru ni orilẹede Lebanon.

Fidio kan ti arabinrin Ajayi Ọmọlọla fi sita laipẹ yii lo di alatagba lori ayelujara nibi ti o ti n ṣalaye pẹlu omije loju pe, awọn eeyan kan ta oun si orilẹ-ede naa labẹ pe oun yoo ri iṣẹ aje se.

Amọ o ni ọrọ ọhun yi pada nigba ti oun de ọhun nitori nibẹ ni o ti lu si oun leti pe, wọn ti gba owo oku ati aye oun.

Àwọn iròyin tì ẹ leè ní ìfẹ̀ síí:

Ọlatunji Sanusi to jẹ agbẹjọro ati ẹlomiran ti orukọ rẹ n jẹ Tunde, ni awọn meji ti ọwọ ba pẹlu Oyinbo koraa naa.

Gẹgẹ bi iroyin ṣe sọ, iwadii ileeṣẹ abo ara ẹni labo ilu fi kun un pe, yatọ si arabinrin Ajayi, eeyan mejidinlọgbọn ni awọn eeyan mẹta yii ti ran lọ soko ẹru loke okun labẹ pe wọn fẹ lọ ṣiṣẹ kore oko dele.

Fidio alaye ti arabinrin Ọmọlọla se ree, eyi to gba ori ayelujara kan:

Ninu atẹjade kan ti Gomina ipinlẹ Kwara, Abdulrazaq fi sita, ijọba ipinlẹ Kwara ni oun ko ni gba iwa bẹẹ laaye mọ rara.

Ẹtan pe yoo lọ di olukọ ede oyinbo ni wọn fi mu Ọmọlọla Ajayi lọ sorilẹ-ede Lẹbanon, ki ọrọ to di baa mii nigba to de ibẹ tan.