C. Ronaldo: C. Ronaldo fi góòlù mẹ́ta bẹ̀rẹ̀ ọdún 2020 pẹ̀lú Cagliari
Oríṣun àwòrán, Getty Images
Ogbontagi agbabọọlu ọmọ orilẹede Portugal, Christiano Ronaldo ti fi goolu mẹta ṣẹwọ ninu ọdun tuntun.
Ronaldo tun rọjo goolu gẹgẹ bi iṣe rẹ pẹlu goolu mẹta nibi ifẹsẹwọnsẹ ẹgbẹ agbabọọlu Juventus pẹlu Cagliari ni liigi Serie A.
Igba akọkọ niyi ti Ronaldo yoo gba goolu mẹta wọle ni ifẹsẹwọnsẹ kan naa lati igba to ti dara pọ mọ Juventus lọdun 2018.
- Van Persie gbàgà lẹ́nu rẹ! Solskjaer fárígá lẹ́yìn tí Van Persie ló ń rẹ́rìn-ín
- Àgùtàn Arsenal kò tíì paṣọ èṣí dà lábẹ́ Mikel Arteta
- Lampard yájú sí Mourinho,ẹgba ayo méjì s'odo ló tò sídìí akọ́nimọ́ọ́gba rẹ́ tẹ́lẹ́
- Wo àwọn ọ̀tá tó ń da orílẹ̀èdè Nàìjíríà láàmú
- Ọmọ Nàìjíríà ẹ ṣọ́ra fún ìrìn alẹ́ nítorí àwọn tó fẹ́ gbẹ̀san ikú Soleimani
Oun ni agbabọọlu akọkọ ti yoo gba goolu mẹta wọle ninu ifẹsẹwọnsẹ kan ṣoṣo ni liigi mẹta ọtọọtọ lagbaye, iyẹn liigi ilẹ Gẹẹsi (Premier league), liigi orilẹede Spain (la liga) ati liigi ilẹ Aguda, orilẹede Italy (Serie A).
oun yii kan naa si tun ni agbabọọlu to gba goolu mẹta wọle ninu ifẹsẹwọnsẹ kan naa julọ lagbaye. ifẹsẹwọnsẹ mẹrindinlọgọta ọtọtọ ni Ronaldo ti gba goolu mẹta wọle, eleyii ti ko si agbabọọlu miran to tii dan iru bẹbẹ bẹ wo.
Oríṣun àwòrán, Getty Images
Kii ṣe tuntun mọ pe ifigagbaga wa laarin Ronaldo ati Messi toun pẹlu jẹ odu agbabọọlu lagbaye.
Ni kete ti ifẹsẹwọnsẹ naa pari si ni awọn ololufẹ awọn mejeeji ti n waako lori ikanni ayelujara gbogbo.
Bi awọn ti Ronaldo ko ṣe fẹ wọn ọn kun, lawọn ti Messi naa ko fẹ gba a laabọ.
