Oluwo Divorce: Yàtọ̀ sí Olúwó, wo àwọn Ọba alayé tó ti kọ ìyàwó láìpẹ́
Oríṣun àwòrán, oonirisa - ooni of ife adeyeye enitan ogunwusi oja
Ni ọjọ Aiku ni iroyin kan to ba ọpọ lẹjafuu jade lati akata oluwo ti ilu iwo.
Ko fẹrẹ sii ọmọ Yoruba nile loko ti ko tii gbọ ohun kan tabi omiran nipa Ọbalaye ilu Iwo, Alayeluwa Abdulrasheed Akanbi yala ni daadaa tabi idakeji rẹ iyẹn bo ba ṣe kọju si wọnỌ̀rọ̀ èmi àti Olorì Chanel Chin kò yé ara wa mọ́ nínú ilé- Oluwo .
Lootọ, ohun ti kii saaba waye ni ilẹ Yoruba ni ki Ọbalaye kọ iyawo rẹ silẹ Èèwọ! Ọba aláde o gbọdọ kọ iyàwó rẹ̀ sílẹ̀- Bakare, Iba àṣà Yorùbá.
Idi ni pe ọla ati iyi ti Yoruba so pọ mọ awọn Ọba kii ṣe kekere rara. Ọpọ tilẹ tun rii pe ko si ọkunrin miran to lee sàba le obinrin ti Kabiyesi ba ti gun ori rẹ kọja ni ilẹ Yoruba.
Amọṣa, Kabiyesi Oluwo kọ ni Ọba akọkọ ti yoo ni wahala pẹlu Iyawo rẹ.
- Wọ́n f'ẹ̀sùn ọkọ̀ jíjí kan Naira Marley, Ó ní òun ni Buhari yóò gbé ìjọba fún
- Mo ti gba pé ológun ni ọkọ mí- Aisha Buhari
- Èèwọ! Ọba aláde o gbọdọ kọ iyàwó rẹ̀ sílẹ̀- Bakare, Iba àṣà Yorùbá
- Ìyàwó igbákejì ààrẹ Zimbabwe dèrò àgọ ọlọ́pàá lórí ẹ̀sùn jẹgúdújẹrá
- Bí èèyàn méjì tí ṣé kù nígbà tàwọn jàǹdùkú wọ̀yá ìjà ní ìlú Èkó-Ọlọ́pàá
Ọọni ile Ifẹ, Adeyẹye Ogunwusi, Ọjaja II
Ni ọdun 2015 ni Ọọni Adeyẹye Ogunwusi de ori oye,
Ko si si ẹni to ri i ni igba naa pẹlu ti kii kan sara si Eleduwa fun ẹwa ti Oba Oke fun un.
Ọpọ obinrin ni yoo si maa gbadura pé bí ele yii o tilẹ jọkọ ẹni ko jale ẹni.
Lẹyin o rẹyin, Wuraola Zaynab Otiti Obanor ni Ọọni Adeyẹye ja mọ lọwọ lọjọ naa lọhun loṣu kẹta, ọdun 2016 nigba ti awọn igbimọ Ọba Ile ifẹ gba ilu Benin lọ lati lọ tọrọ Wuraọla gẹgẹ bii olori tuntun fun Ọọni ile ifẹ.
Nnkan n dun fun awọn mejeeji ti ọpọlọpọ si n woye pe gbogbo nnkan bii ẹwa, iyi ati ẹyẹ ni awọn mejeeji fi yẹ ara wọn.
Ati pe ayọ lo ku ki o to di pe iroyin asọ nihin lọhun lagbo ile Kabiyesi naa to bẹrẹ sii jade sita faraye gbọn.
Ni oṣu kẹjọ, ọdun 2017 ni ipinya de laarin Kabiyesi Ọọni ati olori Wuraọla.
Oluwo ilu Iwo, Abdulrasheed Akanbi
Iroyin ikọsilẹ iyawo rẹ, Chanel Chin jẹ eyi ti ọpọ awọn eeyan ko tilẹ lero rara paapaa bi a ba ni ka wo bi awọn mejeeji ṣe maa n ṣe ni gbangba.
Ọmọ ilẹ Jamaika ni Chanel Chin, Kabiyesi Oluwo kii sii fi ifẹ to ni sii pamọ nigbakugba ti awọn mejeeji ba wa ni gbangba .
Eyii gan an lo jẹ ki iroyin ipinya wọn o jẹ iyalẹnu fun ọpọ eeyan.
Oluwo ni aawọ ti ko ṣee yanju lo ṣokunfa ikọsilẹ wọn.
Deji ana ni ilu Akurẹ, Oluwadare Adepọju
Oríṣun àwòrán, OláShùpò Mábínúorí
Ọba Oluwadare Adepọju ni kabiyesi Deji ti ilu Akurẹ ti ijọba ipinlẹ naa rọ loye lọdun 2010 lẹyin to ko awọn eeyan kan sodi lọ lu olori rẹ, Bọlanle Adesina to ko ẹru kuro nile lọ si ọdọ baba rẹ.
Bakan naa ni iroyin sọ ọ ni igba naa pe wọn tun da eroja abanilawọjẹ kan si Olori naa lara to n mu ki ara rẹ maa ṣi bi epo.
Koda, ọga ọlọpaa nigba naa, Ogbonna Onovo pẹlu tilẹ ṣeleri niwaju ile aṣofin apapọ pe Kabiyesi naa yoo jẹjọ.
