Ash Wednesday: Ọjọ́ eérú ń rán wa létí eérú fún eérú, erùpẹ̀ fún erùpẹ̀
Oríṣun àwòrán, Getty Images
Ọdọọdun ni awọn ọmọlẹyin Kristi ma n se ayẹyẹ Ọjọ Eerú to jẹ ọjọ kẹrindinlaadọrin saaju ọdun Ajinde.
Ọjọ Eeru yii ni wọn fi n bẹrẹ isera ati aawẹ fun ọdun Ajinde ti awọn onigbagbọ, to tumọ si iku ati Ajinde Jesu Kristi.
Lasiko Ọjọ Ẹẹru naa, to maa n waye ni Osu Keji tabi Osu Kẹta ni ọdọọdun, la maa ri awọn eniyan ti wọn yoo ma n rin kaakiri pẹlu ami agbelebu ti wọn fi eeru kọ siwaju ori wọn.
Awọn ọmọlẹyin Kristi gbagbọ wi pe, asiko aawẹ fun ogoji ọjọ yii safihan asiko ti Jesu Kristi fi wa ninu aginju pẹlu aawẹ ati adura, ki satani to wa dan wo.
Àwọn iròyin tì ẹ leè ní ìfẹ̀ síí:
- Ọmọ oko ni mí, lara mi ṣe le koko - Ọbasanjọ
- Ọbasanjọ ni ọmọ òrùkàn tó di olóri orílẹ̀èdè lẹ́ẹ̀mẹ́ta ọ̀tọ̀ọ̀tọ̀
- Wo àwọn ohun tó yẹ kí o mọ̀ nípa Bola Tinubu tọ fẹ́ di Ààrẹ Naijiria
- Oníṣòwò èròjà aṣaralóge di ọ̀dọ́mọ́dé tó lówó jùlọ lágbàáyé
- Èmi àti Ọbasanjọ leè yapa nínú òṣèlú, àmọ́ mo ń bọ̀wọ̀ gidi fun - Buhari
Awọn onigbagbọ maa n lo asiko naa lati gbadura, ati lati kọ ẹkọ nipa igbe aye Jesu Kristi, iku rẹ, isẹ rẹ loke erupẹ, ati ajinde rẹ kuro ninu oku.
Ki ni pataki Ọjọ Eeru ninu Igbeaye awọn Onigbagbọ?
Ọjọ eeru to wọpọ laaarin awọn onigbagbọ ti Ijọ Aguda, Ijọ Anglican, Methodist ati awọn Ijọ igbalode miran.
Ni ọpọlọpọ awọn ijọ onigbagbọ, wọn ma n lo eeru ti wọn jo ku lara imọ ọpe ti wọn lo fun ọdun Ọjọ imọọpe (Palm Sunday), to waye ni ọdun to kọja.
Ọpọlọpọ awọn oluso agutan ati pasito ma n lo ọjọ naa lati fi se iwaasu to ba asiko naa mu.
Eeru ti ayajọ ọjọ yii se apejuwe iku ati ironupiwada eleyii ti awọn adari ijọ ma n fi si awọn ara ilu lori, pẹlu ọrọ wi pe' éeru fun eeru, iyẹpẹ ni wa, ati wi pe ilẹ la o padasi.
Bakan naa ni wọn gbagbọ wi pe ti awọn onigbagbọ ba se n gba ami agbelebu yii sori, wọn n jẹwọ ẹsẹ wọn fun Ọlọrun.
Ọjọ Kejilelogun, oṣu keji ni Ọjọ Eeru ti ọdun yi waye, nigba ti awọn ọjọ miran to so mọ ọjọ eeru bii ọjọ ti Jesu wọ Jerusalem pẹlu ariwo ayọ ti yoo waye ni laipẹ.
Ọjọ Iwẹsẹ yoo waye, bakan naa ni Ọjọ Friday rere yoo waye ni kete ti aawẹ ba ti pari ati Ọjọ Ajinde Kristi yoo waye lẹyin rẹ.
Awọn ohun mẹta to jẹ eewọ Ọjọ́ Eérú
- Awọn ọmọ ijọ Aguda to ti pe ọmọ ọdun mẹrinla ko gbọdọ ge ẹran ni ọjọ naa.
- Eeru ti wọn lo fun Ọjọ̀ Isinmi Ọpẹ ni ọdun to kọja ni wọn ma n tun lo.
- Ẹ ko gbọdọ ki eniyan ku ‘ọdun Ọjọ Eeru’
- Ọmọlẹyin Kristi ko gbọdọ jẹ ẹran to ni ẹjẹ lọjọ eeru
