Kaduna: Àwọn agbébọn pa ènìyàn 14 níbi ìgbéyàwó ní Ungwan Pa-Gwandara

Ijọba Ipinlẹ Kaduna ti ran awọn ọmọogun lọ si agbègbè Ungwan Pa-Gwandara ni ijọba ibilẹ Jema'a, lẹyin ti awọn agbebọn sigun bo agbegbe na.

Ile isẹ Iroyin News Agency of Nigeria fi lede wi pe alẹ ọjọ Isinmi ni awọn agbebọn naa wa ṣe ọsẹ́, ti ọpọlọpọ si ku, ti awọn miran si farapa.

Arakunrin Samuel Aruwan to jẹ oluranlọwọ agba fun gomina ipinlẹ Kaduna lori eto iroyin lo fi ọrọ naa lede ninu atẹjade ni ilu Kaduna.

Aruwan sọ wi pe awọn ọmọogun Naijiria naa yoo da abo bo awọn to wa ni agbeegbe na, ki alaafia o le pada si ilu.

Gomina ipinlẹ Kaduna, Nasir El-Rufai to bu ẹnu ẹtẹ lu bi awọn agbebọn se ṣe ikọlu naa, sọ pe gbogbo awọn to lọwọ ninu iṣẹ ibi naa ni ọwọ ofin yoo te laipe.

Gomina ipinlẹ Kaduna naa wa rọ awọn ara ilu lati se jẹjẹ lasiko yii, ki wọn si ta ijọba lolobo, ti wọn ba mọ awọn to sisẹ ibi naa.