Украина уруши, Пригожин ё Путин: Россия халқи кимни қўлламоқда? - Видео Dunyo Yangiliklar
Сурат манбаси, Reuters
Ўтган ҳафта "Вагнер" ёлланма жангчилар гуруҳи исён кўтарганидан кейин Россия Президенти Владимир Путин омма олдида кўп чиқишлар қилаяпти, бу билан ҳамма нарса ўзининг назорати остида эканига ишонтиришни истамоқда.
Россия телеканаллари Путин иштирокидаги воқеа-ҳодисалар намойишини кўпайтирган.
Алоқадор мавзулар:
Аммо "Вагнер" гуруҳи раҳбари Евгений Пригожинга яқин генерал Сергей Суровикин қаерда, деган саволлар ҳам ўртага чиққан, генерал ўтган шанба кунидан буён кўриниш бергани йўқ.
Агар президент бўлсаму, ғалаёнга дуч келсам, фақат бир нарсани истайман - омманинг меҳри менга нақадар баландлигини кўрсатиш.
"Биз сиз билан, биз сизни қўллаб-қуватлаймиз", деди Москвада Президент Путин иштирокида ташкил этилган тадбирда сўзлаган аёл.
Бу Владимир Путинга хуш ёқади.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
27 июнь куни Россия матбуоти Президент Путиннинг Доғистонга боргани хабарларини тарқатди.
Дарбант шаҳрида Президент Путин Шимолий Кавказда туризмни ривожлантиришга бағишланган мажлис ўтказгани хабар қилинди.
Сўнг тўсатдан Президент Путин оломонга пешвоз чиқди.
Одамларга бу қадар яқинлашиш - ҳеч ҳам Путинга хос бўлмаган иш.
Жуда кўп одамлар Президент Путин билан учрашувдан олдин Ковид ва бошқа юқумли хасталикларга қарши бир неча кунлаб карантинда ўтказишга мажбур бўлганлари матбуотга гапирганлар.
Бу гал Кремль матбуот котиби Дмитрий Песков айтишича, Президент Путин ўзини олқишлаш учун тўпланган одамларнинг олдига чиқмаса бўлмаган.
"Лекин жуда мавриди эди. Чунки бир неча кун олдин Вагнер ёлланма жангчилари ўз исёнларини тугатганларида одамлар уларни, шу жумладан, гуруҳ раҳбари Евгений Пригожинни олқишлаган эдилар", дейди Би-би-сининг Россия муҳаррири Стив Розенберг.
Давлат телеканаллари Путинни кўкларга кўтаради, "ҳатто машҳур қўшиқчиларга ҳам ишқибозлари бунчалик интилмайдилар", дейди телебошловчи.
"Биз тўсатдан ғайратга тўлган Путинни кўрдик. У ерда ҳам, бу ерда ҳам Путин, бу билан у ўзининг қанчалар машҳурлигини намойиш этишга интилмоқда. Лекин қўзғолонга дуч келган Россия президенти олдида бошқа бир босим юзага келган - энди буёғига кимга ишониш керак?", дейди мухбиримиз.
Мана бу қўмондонига ишонса бўладими?
Генерал Суровикин Украинадаги Россия босқинчи қўшинларига раҳбарлик қилган.
У Пригожинга яқин одам деб кўрилади.
Суровикинни шанбадан бери ҳеч ким кўргани йўқ. У гумон остига олинган, деган гап-сўзларга сабаб бўлди.
Кўплар учун ғалаён мавҳумлик муҳитини кучайтирди, боиси Украина уруши Россияни эзғилаяпти.
Аслида Россияда бўлаётган ҳодисалардан чиндан-да хурсанд бўлаётганлар сони кам.
Айримлар фақат умид билан яшамоқда.
"У ёки бу кўринишда бу воқеа ниҳоясига етганидан кейин янги ибтидо бошланади. Ана ўшанга тайёр бўлиб турмоқ керак", дейди Россия мухолифатдаги "Яблоко" сиёсий партияси раҳбари Григорий Явлинский
Лекин ким билади - янги ибтидо яхшироқ бўладими ёки бундан ҳам баттар бўладими?, деб савол берди Би-би-си мухбири
"Бошида ёмон бўлади. Ана ундан кейин, агар биз омон қолсак, имконият деразаси очилади. Ана шу имкониятдан фойдаланиш лозим", дейди жаноб Явлинский.
Исённи бошидан кечирганидан кейин Россиянинг яқин истиқболи ноаниқ бўлиб турипти.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
